السلام عليكم
سمعت سالفة ضحكتني وفي نفس الوقت تعجبت منها
وحدة تقول انها قاعدة تحسر (تزهق، تطفش) عيالها لانهم اذا كبروا اكيد بيحسرون فيها
مجهزة العصابة قبل الفلقة
طيب هذولي عيالك اذا مااحسنتي لهم لمين بتحسنين؟
< ليش هالاشكال تتزوج 
عطونا فرصة 
...
فتفكرت في بعض الناس والامثلة الي تصير من حوالينا لقيت السبب عند اغلبهم انهم مالقوا من يشكرهم على الي يسوونه لهم
صار عندهم احباط وملل وان انجازاتهم ماتلقى اي شكر او تقدير من الناس سواء كانوا اهل او زملاء عمل او اغراب
صارت كلمة "شكرا" منسية عند البعض وثقيلة وصعب خروجها عند البعض الآخر
الناس هاليومين يحسون بفراغ عاطفي كبييير
يدورون على اي كلمة او لفتة تدل على الاهتمام والتقدير والمحبة
واحنا بشر لنا احاسيسنا لازم نحركها ولا بتقسى قلوبنا وبنصير آلات متحركة
...
ايش تتوقعون لو الكل قدر وشكر !
كيف بيتغير العالم من حولنا
وكيف راح يصير الانتاج والعطاء اكثر واكبر
...
كلمات سهلة نقدر نقولها ونتعود عليها يوميا
في البيت
للزوج والاولاد :-
الله لا يحرمني منك
جزاك الله خير
بارك الله فيه
مشكور ماتقصر وخيرك سابق انت دايم سباق
الله يعطيك العافية
تسلم لي
تعيش وتجيب
الله يسعدك
الله يخليك لي
فديتك عسى ماانحرم منك
تسلم هاليدين
الله يحرم هاليدين من النار
...
في العمل او بين الاصدقاء :-
جزاك الله خير
بارك الله فيه
مشكور ماتقصر
الله يعطيك العافية
الله يسعدك
...
مع الغرباء:
جزاك الله خير
بارك الله فيه
شكرا
الله يعطيك العافية
...
اذا الشخص عزيز والخدمة اللي قدمها لك كبيرة او استهلكت جزء من وقته وجهده
ممكن هدية تعبر عن امتنانك له
او كرت فيه تعبير عن خالص تقديرك وشكرك له
...
