وش نسوي مع ذا الرجال

ماني عارفه من وين ابدا لان المشكله معقده
هذا ياطويلات العمر هذا قريب ابوي مصادق ابوي من 7 سنين وحتى انه اشترى البيت اللي جنب اهلي ومن يومها وهو لازق ب ابوي ومسوي لنا مشاكل وابوي متغير علينا ومشاكله مع امي ما تخلص واخرها الاربعاء ترك البيت من غير سبب
الرجال هذا زوجته ماتجيب عيال وما يبي يتزوج عليها وزوجته اصلا قويه ومسيطره عليه واخته ماخذه اخو زوجته يعني متبادلين وهو وزوجته مسيطرين على الاولاد ابوهم وامهم مالهم راي لدرجه ضغط على واحد من الاولاد يترك وظيفته ومره ضرب واحد منهم بالعقال وهوكبير بالجامعه لانه رفض ل عمته طلب الولد تعقد وجاه مرض نفسي وصار يتعالج في المستشفيات
وفي المقابل هو اللي يصرف عليهم ويعطيهم اللي اهلهم ما يعطونهم لكنه متحكم فيهم لدرجه خياااااااليه
المهم انه يبي ابوي نفس الشي معاه ابوي صار ما يقدر يطلع مشوار الا معاه حتى لو ابوي يزور جدتي واعمامي يروح معاه لا وبعد اشترى البيت اللي جنب اهلي يعني لازق بقوه وحتى ابوي صار ما يقدر يطلع فينا مكان كل شوي يدق عليه يتدخل في اتفه خصوصياتنا وين رحنا مين زرنا وليه ما اخذناه معنا او حتى اخذنا زوجته
يعني مره كنا معزومين زواج لاقارب امي من بعيد زعل وقال ليش ما تاخذون زوجتي معاكم وجانا ابوي سوى لنا مشكله
وابوي يجينا زعلان باالايام وما نعرف السبب يطلع بعدين اننا ما عزمنا زوجته واصلا كل مره امي تقابل زوجته في مكان ترجع البيت وتتوقع مشكله مع ابوي وتصير
امي ما صارت تبي تقابلها في اي مكان بس صعب لانه زوجته ما خلت بيت الا وهي داخلته واذا امي ماتبي تشوفها يبي لها تعتزل اقاربنا كلهم لانها على علاقه بالجميع وتفتن بيننا وبينهم وتشوه سمعتنا
عمتي قلبت علينا جدتي ام امي بعد الكل قطعنا وهذا عشان امي رفضت تمشي على كيفها
تعبنا منه خلاص اخر شي اربعاء ترك ابوي البيت انا وصلت حدي الى متى فتنه المشكله ان ابوي شايفهم ملائكه ويااااااويل احد منا يجيب سيرتهم على لسانه لانهم يهتمون فيه ويعطونه وحنا نبي مصلحتك يعني واحد من اخواني كان صغير وكان يطلع مع ابوي فقال له انتبه من ولدك ينقل كلامك صار ابوي ما ياخذ اخواني معاه اي مكان
المشكله اني عااااااااااااااااارفتهم زين ودام امي ما مشت على كيفهم ماراح يتركونها في حالها هي وابوي حتى يخربون عليهم وانا شفت تصرفاتهم مع غيرنا
ماني قادره اسكت اكثر من كذا
بنااااااااااااااااااااااااااات اللي قلته قليل مقارنه باللي قاعد يصير حتى ابوي تغيرت الفاظه معانا ابوي اللي ما عمره تكلم بالغلط ابداااااااااااااااااا صار يدعي على امي من غير سبب واضح يدخل البيت معصب ويزعل عليها اسبوع ويدعي عليها وهي ما تعرف ليش
بناااااااااااااااااااات ابوي مافي مثله طيب وكريم وهم استغلوا طيبته وانا مقهووووووووووووره عليه
انا لي يومين ما نمت من عرفت انه مارجع البيت يكلمونه اهلي عادي يرد عليهم بس ما يجي البيت
ولو سالناه ما راح يعطينا سبب حقيقي راح يتعذر باي شي
وامي عمرها ما قالت لاهلها شي ابدا ابدا
والحل معاهم وربي اتحسب عليهم ليل نهار ما خلوا احد ما خربوا عليه
حسبي الله عليهم ونعم الوكيل