وصفات لجمال البشره

السلام عليكم ورحمة الله وبركاته
انا واثقة ان الجمال عمره ما كان جمال الشكل ابدا وان الجمال هو جمال الروح والايمان والتقوى بس انا عارفة وصفات للجمال والشكل وقلت اجيبها لبنات احلى منتدى وهى:
كلنا عارفين الفازلين |الفازلين ليه استخدمات كتير منها :
على الجسم كله بعد الاستحمام بيظهر لمعة ونعومة للجسم
على الرموش باليل عشان تطول وتتقل
على الشفايف لاشراقها(وبجد تحفة على الشفايف بيخليها ناعمة ومشرقة اوى)
على الاقدام واليدين
على الجسم بعد عملية ازالة الشعر (بيخلى الجسم ناعم جدااااااااااا)
#فى ماسك تحفة تحفة بالفازلين :انك تقومى بوضع الفازلين على الوش كله وتملى طبق بالميه السخنة وتنزلى وشك على الطبق وتغطى وشك والطبق مع بعض بفوطة (بجد هتحسى ان وشك مسامه بتتفتح من اول وجديد)
فى ماسكات تحفة وحلوة اوى بالفاكهة :
الفراولة:
عصير الفراولة مع عصير الليمون يوضع على الوش ويتدلك تدليك خفيف على الوش وده بتشيل الخلايا الميتة
الليمون:
عصير ليمونة على الوش لحد ما يجف وغسل الوش بميه فاترة وده كويس عشان الحبوب
البرتقال:
قشر البرتقال حلو عشان دعك اليدين
التفاح:
قطع التفاح الصغيرة وخل التفاح على الوش كمنظف للبشرة
المشمش:
عصير المشمش يستخدم كدهان لليدين
الاناناس:
يستخدم الاناناس كقابض للبشرة عشان ملىء بالانزيمات وعشان كده قطعة صغيرة من الاناناس بحركات سريعة ومتوازنة(يا بنات انا ما اعرفش يعنى ايه قابض للبشرة فيا ريت لو حد عارف يقول عشان استفيد انا وكل اللى يقرا)
التين:
عشان صفاء البشرة وبيساعد على تقليل الدهون وازالة الحبوب وصفاء البشرة وده عن طريق قطع صفيرة من التين على الوش لمدة دقايق وبعد كده غسل الوش بماء فاتر
البقدونس:
غسل الوش صباحا ومساءا بمية البقدونس لمدة اسبوع لبشرة جميلة
بطاطس:
لتبييض وشد البشرة والوش يكون فى بطاطس مهروسةاوى مع لبن على الوش والرقبة لمدة 10 دقايق وغسل الوش بعدها بقطنة فيها مية ورد
ودلوقتى مجموعة ماسكات لاغراض متنوعة:
للحبوب السوداء:
اختارى 2 حبة طماطم الناضجة اوى وننزع القشرة الخارجية منها ويتم هرسها بالشوكة ونمزج خليط من زيت الزيتون او القشدة ونمزج الخليط كويس اوى وبعد كده تضعى طبقة من الخليط على الوش الا المنطقة المحيطة بالعين ونسيبه مدة تتراوح من 15 الى 20 دقيقة
ملحوظة: لو البشرة دهنية او فيها حب شباب يفضل ان تستغنى عن المادة الدهنية

لبياض الاسنان:
تدعك يوميا ولمدة اسبوع بالعسل الطبيعى مع المعجون وبعد كده كل 3 ايام مرة
لبياض الركب والاكواع:
عصير ليمونة مع مسحوق الشوفان ويتم فرك الركبة والكوع عدة مرات فى اليوم بالمزيج ده لحد ما يتم التخلص من اللون الاسود ده واوعى تنسى انك تدعكى مكان المزيج بكريم مرطب
نبات السعد:
اشتريه من عند العطار سليم واطحنيه انتى او اشتريه مطحون جاهز
ويوضع على مكان ازالة الشعر بعد عملية الازالة
وده بيقلل من ظهور الشعر مع الاستعمال كل مرة
قناع منظف ومزيل للخلايا الميتة:
خميرة بيرة+عصير ليمونة+دقيق الشوفان(الكويكر)
يمزج ويترك عبى البشرة لمدة 10 دقايق وغسل بعد كده بالميه والصابون
تبييض البشرة:
جلسرين +عصير ليمونة وتوضع فى علبة فى التلاجة لحين الحاجة
لتقشير الجسم:
كوباية زيت زيتون صغير و1\2 كوباية سكر ناعم
وقبل الاستحمام بللى جسمك بميه دافية وحطى الخلطة على الجسم ودلكى الجسم كله وركزى على المناطق الخشنة وبعدها اشطفى الجسم و اغسليه بالصابون
غسول للوجه:
رغوة الصابون توضع على الوش مع نقط من معجون الاسنان متوزعة كويس على الوش كمنظف وغسول للوش(الطريقة دى تحفة وبتخليكى تحسى بالنضارة وان وشك متفتح وتحفة اوييييييييييييييييى)
منقول