وصفة مختارة: معكرونه بخلطتي الخاصه والشهيه

مرحبا هذي معكرونه سويتها بالصدفه من 6 شهور تقريبا بس ما بطلت اسويها عقبها ابد

وبدون لف
كيس معكرونه ملونه او عاديه نصف سلق فقط مع السلق يفضل وضع ملعقة اوريغانو صغيره
تغسل وتصفى ويضاف لها ملعقتين اكل زيت زيتون
بصله كبيره مفرومه ناعم
في الخلاط او الفرامه الصغيره نحط
5 حبات ثوم صحيح
ربع كوب زيتون اخضر الكبير بدون نواة مفروم
نص كوب ريحان او نصف شده طبعا اخضر واللي مو متوفر الكزبره الخضرا تعطي نتيجه حلوه
حبة فلفل اخضر حار
ملعقتين اكل زيت زيتون
تضرب كلها بالمفرمه الى ان تنهرس خشنه شوي
حطي ملعقة زبده ومثلها زيت وحمري البصل حتى يشقر واضيفي له الخلطه
وبس الريحه تطلع حطي المعكرونه المسلوقه وطفي النار وقلبيها وزيديها شوية ملح وفلفل اسود

دهني بايركس وصبي فيه المعكرونه

الصلصه كلها على النار
5 كوب ماء
7 ملاعق اكل حليب بودره
باكت شوربة كريمة الفطر اي نوع مفضل
علبة قشطة نستله بس تنحط بالخير
1ملعقة اكل نشا
ملعقة اكل اوريغانو او زعتر البيتزا
على نار تنطبخ وبس تغلي رفعيها واضيفي القشطه وعدلي الملح ورشة فلفل
اسقي بها المعكرونه ورشي الوجه بالجبن الموزاريلا
وتدخل الفرن ربع ساعه وتتحمر من الوجه وتقدم بالعافيه:)

120056

120057

120058

120059

120060