وشلونكم يا احلى بنات
اليوم جايبه لكم حلى معتمد عندي من خمس سنين
وما اعرف بصراحه اذا كان مكرر ولا لا لاني اعرفه من زمان
كل ما قالوا وش بتسوين قلت حلى التويكس :hahaha:
اولا سهل وبعدين ما يحتاج فرن وطعمه خياااااااااااااااااال وشكله يجنن
وعلى كثر ما اسويه دايما تصير مضاربه بالاخير من قبل بزارينا المحترمين:42:
المهم ولا اطولها عليكم
نبدأ بالقادير والطريقه
أولا: (الطبقة الأولى)
علبة ونص بسكوت لو الفرنسي مطحون
3 ملاعق قشطة
اصبع زبده
تعجنينهم مع بعض وتفردينهم بصينية بايركس بيضاوية او مستطيلة
ثانيا: (الطبقة الثانية)
4 تويكس او خمسه (تويكس ابو اصبعين << :hahaha: )
علبة قشطة
6 حبات جبنة كيري << اوقات تطلع براسي واحط 8 حبات
واحد كريم كراميل
وتحطينهم بالخلاط وبعدين تحطينهم فوق الطبقة الاولى
ثالثا: (الخطوط البيضاء)
عبارة عن دريم ويب وحليب نستله
ولا تسألوني المقدار بالضبط لأني احط اي شي
اهم شي يطلع ثقيل شوي
بس تقريبا تقريبا علبة نستلة الصغيره مره وثلاث ارباع كيس الدريم ويب او النص
اخلطيهم مع بعض بالملعقه
وبعدين حطيها بكيس بلاستيك وقصي الطرف بالمقص
تكون فتحة مره صغيرة عشان تطلع الخطوط رفيعه مو سميكة
وبعدين سوي دوائر على الصينية البيضاوية او خطوط طولية اذا الصينية مستطيلة
وبعد ما تسوين الدوائر جيبي السكين
بالنسبة للصينية البيضاوية سوي اول خطوط تبدأ من منتصف الصينية وتنتهي عند الاطراف
واتركي بينهم مسافه عشان تسوين خطوط بالعكس
واذا انتهيتي سوي خطوط عكسية تبدأ من الاطراف وتنتهي بالنص
وهذي النتيجة النهائية
اما الصينية المستطيلة سوي خطوط طولية وبعدين سوي عكسها
بس انا ما ضبطتها زين لاني كنت مره مستعجلة
والصينيه اللي سويت فيها صغيرة لانها لزوجي :)
اتمنى يكون شرحي واضح وهذرتي مو كثيرة
وبالعاااااااااااافيه على قلوبكم
وادعولي ربي يرزقني بالذريه الصالحه المعافاة
ماشاء الله
شكله يهبل:hahaha: