وصلت حدي مع بنتي احتاج شوركم يا امهات

السلام عليكم ، كيفكم ؟
والله العظيم جايتكم والدمعة بعيوني وقلبي بينفجر خلاص من بنتي ربي يصلحها ويهديها ادعوا لها تكفون ، حرفياً البنت جابت لي الجنان والله العظيم بموت بنهبل منها انا وابوها عسسسسسسسره عسره عسرررررررره بسكل فضيع مهما اوصف مايوفي والله العظيم اني ما ابالغ بحرف من اول اسبوع جت فيه على الدنيا والله لا هي اللي ارتاحت ولا ريحتنا ، لاتحسبوننا مانحبها نموووووت عليها نعشقها اليوم اللي تبوس واحد فينا انا ولا ابوها ولا تكون هاديه وسعيده يكون يوم عيد بالنسبه لنا والله بدون مبالغة وللاسف ماعمرها هدت ، ماني عارفه وش مشكلتها عمرها 2 ونص عنيفة جدا وعدوانية جدا عقلها سليم ومافيها توحد والمل يموت فيها ويدلعها ويلعبها ويحبها وماتعرف احد غريب ابدا ، عندها تاخر بالنطق بس مع الوقت جالسه تكتسب مفردات وتحاول ، سليمه من كل النواحي الا من العنف والعدوانيه الزايدة وفررررط الحركة الشديد والصراخ والصياح ليل نهار خصوصا بعد ماجت اختها الوضع زاد سوء ، عندها جميع انواع الالعاب والاجهزه والحلويات والملابس والدلال وكل مايتمنى اي طفل عندها اب هاديء وحنون وام تحبها و عندنا خادمة ممتازة وبنت حلال ومسلمه ووسيعه بال والبيت كله مركب كاميرات واصلا ماعمري تركتهم لحالهم سواء عشان ماتقولون هي مسويه شي بالعكس هي جت بعد ماكملت البنت سنه ونص وحال بنتي كذا من اول مانولدت ، مشكلتي الحين واقولها وانا ابكي اني ماعاد اتحملها ماعاد اطيقها ساعات استغفر لا اقوم عليها واضربها والله يا امهات هذا اصعب شي اقوله بحياتي اقوله وانا ابكي بس صايره تجنننننننننننني تفقع قلبي من تصحى لين تنام مانرتاح والله ما نرتاح الا اذا نامت ، تصحى تبكي وتصارخ نحاول نبدل لها ماتبي وبس تبكي وتصاررررررررخ وحنا بشقه يعني من تصحى نودع الهدوء والنوم تصارخ لين نصحى كلنا وتتدلع وتتعيبط ماترضى تاكل زي الناس ، محاول نلعب معاها ماتبي ، تبكي تبي الايباد ونعطيها نحاول نهجدها، اختها توها صغيره عمرها 6 شهور جننتها بالضرب والصياح ماتقدر تغفى دقيقه وطول اليوم كذا كل شي بعسارة شديده كل شي معاها متعب وينعاف وصياح خلاص انا وزوجي قلوبنا بتنفجر ماني عارفه وش الحل احاول اشبعها حنان وحب بس ماتبي ولاتحب احد يضمها ولاتعطي مجال وكل شي بس تحذفه وترميه كنها مسعوره وربي ليييييين ماتوصل النفس حدها واقوم عليها هواش او ضرب خفيف والله مايرضيني بس غصب يالله ساعات شقولكم احايلها احايلها مثلا عشان تلبس ملابسها وماترضى لين حد اضربهاوتلبس او تسوي اي شي .. اذا عندكم حلول تساعدني اعدل سلوكها او حسابات مختصين لاتبخلون علي وهل في امل يتعدل حالها او بتصير كذا هي ما كانت كذا بهالشكل الاوفر الا بعد ماجت اختها وبعد ماتابعت شفا ع اليوتيوب انهبلت زياده ومرات تكون هاديه وتسمع الكلام بس قللللليل وغالبا خوف مو حب