وضعها محيّر .. 15 سنة معاناة !

السلام عليكم ورحمة الله

أول مره اكتب موضوع لأن ماقد مريت بشئ حسيت نفسي بحاجه اكتب عنه
الحمدلله والله يتم نعمه علي وعلى الجميع

لكن موضوعي هذا عن صاحبتي المقربة جداً
طبعاً عرضت عليها استشير واسأل هنا لأن ماعندها معرّف
و وافقت

البنت هذي معي من أيام الدراسه
كانت متفوقه ماشاء الله تبارك الله من جميع النواحي
دراسياً ، اجتماعياً ، وحتى في نفسها وثقافتها واناقتها وشخصيتها جددداً جذابة
يعني تدخل القلب بسرعه والبنت عندها اسلوب ظريف جداً وساحر
لهذا السبب كانت علاقاتها الاجتماعيه كثيره جدا
المهم في سنة التخرج البنت تغيرت فجأة
اعتزلت الكل وكانت تجي تحضر محاضراتها وتطلع ما تكلم احد وتتهرب من اي احد يوجه لها التحية والسلام
الكل لاحظ هالشئ وانا انصدمت حسيت نفسي اشوف وحده اول مره في حياتي اشوفها
كأنها انسانه ثاااانيه غير اللي عرفتها سنين
سألتها كم مره وحسيتها تضايقت من سؤالي
بطلت اسألها
بعدها بفتره عرفت من امها انها تعبت نفسياً وتتعالج عند طبيب نفسي
بعدين البنت تحسنت ورجعت علاقتنا تجيني وتروح ونتواصل باستمرار ع التلفون وكذا
وبعدين قالت لي انها تعبت فجأة وماتدري وش فيها
تقول كرهت العالم ولا تبي تشوف احد
راحت للطبيب النفسي قال عندها اكتئاب
وكانت كل فتره تجيها الحاله وكل مره تطول المده
المهم البنت تقدم لها شخص وتزوجت
من بداية زواجها وهي تعبانه حتى زوجها عرف بحالتها وحاول يعالجها
لكن هي ماتجاوبت معاه وكانت دايم تصده
تقول غصب عني رغم انه طيب وماشفت منه شئ يكدر بس شئ داخلي يكرهه ولازم تصير مشاكل بيننا
طبعاً استمر زوجها ثلاث سنوات وزوجها صابر ويحاول يساعدها
واضح انه يحبها جداً
وهي حسب كلامها تحبه بس تقول مدري ليه اتعب لما يدخل للبيت واطلع مليون مشكله


طولت عليكم لكن الحين تركته وطلبت الطلاق ونفسيتها اردى من قبل تقول مدري وش فيني
علماً اهلها ودوها بداية مرضها لشيخ يرقيها وتقول ما حست بشئ

الحين زادت معاناتها النفسية وتقول ماتدري ليه هالانقلاب في حياتها وتعبها المفاجئ
هل عين او حسد او مجرد مرض نفسي اصيبت فيه
واذا مجرد اكتئاب ليه محتاره مع زوجها تقول طيب واحبه لكن شئ بداخلي يخليني اسوي معاه مشاكل
واخرتها اطلب الطلاق

محتاره من وضعها وانا والله نفس الشئ احترت مرات اقول عين بس ليه ما تتأثر بالقرآن
ومرات اقول آثار الاكتئاب بس اللي اعرف مو هذي اعراضه
وبعدين ليه معانا عادي ومع زوجها تنقلب شيطان وتدور عليه الزله
يعني هي بنفسها تقول فيه شئ خارج عن ارادتي يخليني اتمشكل معه
وهي عارفه انه ماغلط بس بنفس الوقت ماتدري وش فيها

اتمنى اللي مر بمثل كذا او احد يعرفه عانى من شئ مماثل و عرف السبب وحل المشكله ينقل لي التجربة وبأنقلها لها

أبي اساعدها والله البنت ماتستاهل استغفر الله مدري وش اللي قلب حياتها بالشكل هذا
الله يفرج همها وكل مهمومة

انتظر الردود