وضع ولدي وزوجة طليقي .. متعبني نفسيا ؟؟!

مدري وين يناسب هذا الموضوع بأي قسم عموما أي قسم يناسبه أنا موافقه المهم أحصل دعواتكم

عندي ولد من زوجي الاول كبير كان أبوه مصر يأخذه من يوم هو صغير محاكم وقضايا وعاد اللي بنفس

الوضع بتعرف تجربتي مع الشكاوي والمحاكم الله لايوريها مسلمة تخاف الله

المهم حكم القاضي يكون الولد عايش معي رغم أني متزوجة

وهذا من فضل ربي علي جاء الحكم في صالحي وانا قلت الى ان يكبر الولد

ويصير يفهم على الاقل والحمد لله لما كبر اختار يروح لأبوه وفعلا راح وعاش عنده ويجييني من فترة لفترة

الشاهد من هذا الموضوع أن زوجة طليقي اصيبت قبل 4 شهور بمرض السرطان في الثدي

الله يبعد عني وعنكم الشر ولايرينا مكروه في عزيز وغالي

طبعا هذه زوجته تزوجها بعد ماطلقني مباشرة وعندها عيال منه ومرضت فجأة الله يشفيها

وصرت أقرأ عن السرطان واعراضه وعلاجه ودخلت الاقسام هنا ورأيت العجب يارب لك الحمد على

نعمك والله يشفي كل مريض يارب وكم مرة نصح زوجي طليقي يوديها رقية شرعيه ويوديها مكه

لان الشفاء باذن الله في كتاب الله وفي ماء زمزم مع المستشفى بس طبعا رأيي عندهم ماله أي أهميه أكيد

لاسيما قبل تمرض ماكانت تحبني وتكره ولدي ولها مواقف أوجعتني مع ولدي لكن على الاقل كان عايش عندهم وماشية أموره بالبركة ..

المهم صار زوجها يراجع فيها كل اسبوع ويسافر بها باستمرار وولدي جالس في البيت لوحده عشان مدرسته

وكل ماكلمته قال انا لوحدي ابوي مسافر قلت طيب تعال عندي قال انا ابغى مدرستي وزملائي وكلمنا

ابوه قال مدري وين احطه لاني مشغول مع زوجتي ...الولد نفسيته تعبانه وبعدين كلم خاله وقال له خاله

تعال عندي ...وأنا مترددة لأني ماأحبه يروح لزوجة أبوي أنا ماأدخل بيتها من سنين واكتفي الشر

والتدمير اللي حصلته منها وبعد فترة إلا ولدي يكلمني يقول انا عند خالي ساكن عندهم لأن أبوي يسافر ويطول ....

مافيه أحد أمون عليه عشان ولدي يروح عندهم وقعدته في البيت لوحده متعبتني نفسيا وبنفس الوقت انا

ساكنه بمدينة ثانيه وهو يقول مايبغى الا مدرسته ..استودعته الله الذي لاتضيع ودائعه طيب وش الحل ؟

أنا مهمومة ...

تكفون ادعوا لي وادعوا لولدي وأدعوا لزوجة أبوه بالشفاء العاجل ..