وعـــــــــــــــــــــــلى نياتكم ترزقون ؟؟

السلااااااام عليكم ورحمة الله وبركاتووه

المراد ماطولها وانا بنت راعي الحرشاا

جيت بقص عليكم كم سالفه توني صارقتها من خواتي وهم يسولفون ؟؟.؟..

المراد ماطولها وبخش بالماضوع دغري


تقول نوره اختي عن بنت عم خويتها >> تعال حك ظهري

مرات من المره كان في بنت يتيمه وعندها خمس خوان ربي مارزقها خوات وتعرفون بنت فقيره ماتعرف شي وامها عجوز يالله تقوم

المراد انتي يالبنت عايشه هي وامهاا في بيت جنب بيت اخوهم الكبير

المراد من القصه

انتي ياخويتها البنت اليتيمه بنسميها (صلفه ) تمووت في بنت اخوها اللي في نفس عمرها بنسميها (صيته )

تحبها حب مو طبيعي وتعتبرها اخت المهم انتي ياصيته ما اتحب عمتها وتغار منها

المراد

وجاء يوم من الايام العمه انخطبت وملكت وانت بعيد يا بنت اخيها ملكت وكلبوهم كان عرسهم باسبوع واحد

لكن عرس صيته قبل عرس عمتهاا بخمس ايام ..؟..

طبعا من عادات العروس ان المعرس يعطيها مهر وتروح العروس تجهز لنفسها تشتري ذهب وملابس ومكياج وعطور وكل شي في نفس العروس

المراد

انتي يالعمه الطيبه كانت كل ماشرت شي تذكر بنت اخوها معها يعني لا شرت عطر شرت لبنت اخوها ولا فصلت دراعه راحت قالت لبنت اخوها عشاان تفصل وتوريها كل شي

وانتي ياصيته نجسه ما تذكر بعمتها شي ولا توريها شي

المراد

وقبل العرس بشهر العمه راحت حجزت ثوب عرسها الابيض واخذت بنت اخوها وامها عشان يشوفون ثوبها وتاخذ رايهم لان ماعندها غيرهم

المراد

انتي يا صيته يوم انها شافت الثوب وهو اللي يدخل مخهاا وقالت لامها باخذ الثوب انا

طبعا العمه على نياتها ورتهم الثوب وراحت البيت والامر طبيعي

يوم جاء عرس بنت اخوها

راحت العمه الصالون اللي فيه العروس تسلم عليها لان فشله تحضر عرس بنت اخوها وهي مابقى شي على عرسها

وهي داخله الصالون ولا تشوف الصااعقه


انصدمت ثوبها لابسته بنت اخوهاا وكانت تطالع عمتها صلفه بكل حقاره وتضحك واللي حولها بنات خالتها ورفيقاتها وخواتها وامها يضحكون معاها لانهم مأيداتها بفعلتهاا

العمه سلمت على العروس وطلعت من الصالون وهي منهاره تبكي اللحين وش تسوي عرسها عقب
خمس ايام من وين تبر لها ثوب

وثوبها اخذته بنت اخوها

المهم العمه راحت عند المشغل اللي سوت عندهم ثوب عرسها ولا يقولون انتي اخذتي الثوب حتى وروها الفاتوره

طلعت بنت الحلال صيته صارقه الفاتوره واخذت الثوب بلاش وبساهل وكان ثوب العمه غالي حيل ويضرب فيه المثل من حلاته

راحت العمه البيت وهي منهاره بكي ودها تموت وش تسوي مايمديها تفصل ثوب جديد ولا يمديها بالهفتره
الوجيزه 3 ايام تلاقي لها ثوب

ولا تقدر تاخذ الثوب من بنت اخوها لان الناس شافوه عليها وبيقولون بنت الحلال ماشرت ثوب وخذت ثوب بنت اخوها اكيد مهرها قليل ولا اخوانها اخذوه تعرفون سوالف الحريم ماتخلص

ظلت خويتنا تفكر وتدعي وتصلي ربي يرزقها بثوب

وبعدها راحت للمشغل اللي فصلت فيه ثوب واجرت ثوب كان جدا نااعم وبسيط بس انه يرقع الموقف

وهي كانت بانيه امال كبيره على هاليوم يوم العمر تبي تطلع احسن وحده فيه وشكلها حلو وغير انها عاازمه

الناس كلها على عرسها وبالاخير يطلع ثوبها كذا

طبعا استسلمت لامر الواقع

وقبل العرس بيوم كانت عروسنا بصالون تسوي حمامات زيت ومغربي وحمام بخار تعرفون خرابيط
العرايس

انزين

كانت جالسه بغرفه بالصالون والهنديه تضبط اظافرها

وعروسنا صلفه كانت سراحنه وعيونها تدمع من القهر كانت في بنت بنفس عمرها جالسه جنبها وملاحظه
على صلفه الشرود وحبت تسولف معاهاا

بنسمي البنت شوق

شوق : انتي عروس
صله: اي
شوق: وراك مغصوبه على العرس ليش هالدموع مفروض تكونين مستانسه
صلفه: لالا بس صار لي موقف ما احسد عليه

وبدت صلفه تقول لشوق القصه وهي ميته بكي ومنقهره ورتها صورت الثوب وان بنت اخوها اخذته
يعني السالفه كلهاا

شوق تعاطفت مع صلفه وقالت لهاا

شوق: انا كنت عروس من ثلاث اسابيع وعندي ثوب شاريته من باريس غالي بس ذرب حيل
الصراحه وجوده بالكبت مضايقني وما ابيه شرايك تاخذينه وان خلصتي بغيتي تبيعينه حلالك الخير واجد

صلفه: ناظرتها مصدومه قالت : والله

وشوق قالت انا اللحين بتصل على الخادمه في البيت تجهز الثوب مع اكسسوراته وتجيبه مع السواق
واخذيه حلالك
لاني ما احتاجه

وجابت شوق الثوب ولبسته صلفه وطلع مقاسها بالضبط

وقالت لها شوق على شرط اعطيك الثوب تعزميني على عرسك

وحبتها صلفه حيييييييييييييل وقالت مو بعزمك بس بخليك مرافقتي بالعرس وهي تضحك

جاء من بكره صلفه تغيرت نفسيتها لبست الثوب وشوق ملازمتها كنها اختها معاها ورقصت على عرسها

وكان ثوبها جناااااان شويه عليه وطلعت قمر بعرسهاا

ويقلون تخلا من شرهم ان بنت اخيها صيته تطلقت من اسبوع عرسها << حوبت العمه الفقيره اليتيمه



سالفه ثانيه

عاد هذي سالفت بنت عمي تمووووووووووت ضحك مدري انا قلتها ولا لا بس بقولهاا


بنت عمي هذي بطه ورقله ونفسها حلووه مره المرااد

اعرست بنت الحلال

وخواتها يبونها تنحف قبل العرس لكن مافاد وقالو يمكن عقب العرس تنحف

وقالوا لها وانا من ضمنهم : ان العروس عيب تاكل عند رجالها يمكن لمدة شهر حتى وان لزم عليها تاكل ترفض انها تاكل


طبعا بنت عمي ضاق صدرها وش تسوي ماتاكل تموت جووع ياربي وش السوات

فقررت انت واختها الصغيره انهم يرحون البقاله ويشترون اكل ويحطونه بكيس والكيس هذا يخشونه

خواتها بمكان تعرف وينه وكل ماراح رجالها تاكل من الكيس ويعبونه لها خواتها كل ما سيرت عليهم

وهذي الخطه اللي براس بنت عمي

المراد

جاء يوم يودون فيه جهازها وودو جهازها وخشو الكيس ورى الكبت

المراد

يوم عرسها يوم جلست هي ورجالهاا :

سألها رجالها وقال:

المعرس: هدى بسألك سؤال ممكن تجاوبيني بل صراحه
العروس: بحياء: اسأل
المعرس: تضننين اني بجوعك
العروس: وترفع راسها : لا
المعرس: تضنن اني بخيل
العروس : لا
المعرس: تضنن ان ثلاجتنا فاضيه
العروس: هم لا ليش تسأل
المعرس : وقام على حيله وبطلع الكبت وطلع الكيس :اجل هذا ليش
طبعا بنت عمي بموقف لا تحسد عليه تقول من الحيئ طقتها بكي

ويقلون عيت لا تاكل معاه لمدة شهر كل ما تذكرت السالفه تنسد نفسها على انها ما كلت شي بالشهر غير انها لالحين بطه الظاهر خاشه لها كيس ثاني خخخخخخخخخخخخخخخخخخخ


جااااااااااااااو جااااااااااااااااااااو