(وقال ربكم ادعوني استجب لكم ) فهل دعوتي الله ...قصتي بين يديكم

بسم الله الرحمن الرحيم

قال تعالى( وقال ربكم ادعوني أستجب لكم)
وقال تعالى( وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون ).

وقال صلى الله علية وسلم : الدعاء هو العبادة ، ثم قرأ (وقال ربكم ادعوني استجب لكم ).

وقال صلي الله علية وسلم :أفضل العبادة الدعاء.

وقال صلي الله علية وسلم :ليس شيء أكرم على الله تعالى من الدعاء .

وقال صلى الله علية وسلم :إن ربكم تبارك وتعالى حيي كريم يستحيي من عبده إذا رفع يديه إليه أن يردهما صفرأُ خائبتين .

وقال صلى الله علية وسلم :لا يرد القضاء إلا الدعاء ولا يزيد في العمر إلا البر.



السلام عليكم ورحمة الله وبركاته


كيفكم اخواتي ان شاء الله في اتم الصحه والعافيه
أولا بكتب لكم قصتي انا متزوجه من خمس سنوات مرت علي ثلاث شهور من زواجي ولم أحمل بدأت أحس بخوف وافكر وش فيني ماحملت على اني كنت صغيره في السن لكن زوجي يحب الاطفال ويموت عليهم وألاحظه من عيونه لما يشوف اطفال ولما تتأخر علي الدوره يفرح ويقول ان شاء الله حامل فهذا اللي كان مأثر فيني اما انا فكنت في وقتها لست مستعده للأمومه لكن أبغى افرح زوجي المهم مرت اربعه ,خمسه شهور ولم احمل بدأت افكر اني اراجع المستشفى قلت لو فيني شئ احسن ابدأ اتعالج من الآن يمكن يطول علاجي وليتني مارحت طلعولي مية عله والمصيبه اني رحت عند دكتوره ماعندها سالفه طلعتلي هرمون الحليب وضعف المبايض قلت طيب وش الحل اعطتني حبوب لهرمون الحليب وحبوب كلوميد قالت استخدميها لمدة ستة شهور تخيلوا يابنات سته شهور يوميا هي أصلا تستخدم من ثاني يوم للدوره لمده خمس أيام من كل شهر هي قالتلي استخدميها حبه يوميا لمده سته شهور اخذتها وقلت ياالله نستخدم مادريت ماكان عندي انترنت في وقتها عشان أدخل وأسال عن الحبوب المهم استخدمتها لمدة شهرين يوميا كم كنت أعاني صداع والنفسيه زفت المهم مرت شهرين ماصار حمل قلت ياالله بروح لدكتوره ثانيه هذه ماعندها سالفه المهم رحت لدكتوره ثانيه حكيت لها وش صار معي انجنت قالت كيف الكلوميد تستخدمينها ستة شهور قلت والله ماأدري المهم سوت تحاليل وياالله علاجات ومنشطات وابر يعني بهذلت عمري وانا توي عروس ماتهنيت ماشفنا فيه فايده ويالله على مستوصف ثاني وطبعا ماخرجنا من الاول الا وقد طورناه على قول زوجي نخرج ويغيرون البويات وتعديلات يعني ماندخل مستوصف والا ويتطور من هالفلوس اللي ياكلونها اكل المهم من مستوصف لمستوصف وكلهم نفس الشئ حبوب وابر الين طلعلي تكيس المبايض بعدين سمعت بممرخه يمدحونها قلنا يالله ورحت عندها قالت عندك ميول في الرحم بسيط ومرخيني تمريخ مشي حالك وربطت على بطني واجلس بطني مربوط 10 ايام ولافي فايده المهم وارجع اتابع عند المستشفى العسكري وياالله حبوب وابر تقريبا سنتين عليها بس انقطع فتره وارجع لهم وصراحه سووا فيني اللي مايتسوى يعطوني ابرابر تخيلوا مره اعطوني 14 ابره وقوتها 150 لو انه فيل مايتحملها وتعبت تعب الله لايوريكم صار عندي تضخم في المبايض لدرجه اني ماقدرت أقوم الا بحبوب مهدئه للآلام واذا قمت كأني شايله حجر معي من ثقل المبايض ورحت الطوارئ وعلى طول تنويم ومهدئات يوم وطلعت واروح اليوم الثاني للدكتور اللي اعطاني الابر واشكيله الحال وقام بالتخويف انتبهي لاتتحركي كثير ولاولا ولا لانه لو انفجرت لاسمح الله بتأدي للوفاه قلت والحل قال انتظري الين تنزل الدوره وهي تنزل الاكياس تلقائي مع الدوره المهم وقام زوجي هزأ هزأ الدكاتره اللي هناك وقال والله لاروح لمدير المستشفى واشكيكم يوم شافوا فيها مدير المستشفى قاموا الاهتمام ومايصير خاطرك الا طيب المهم يوم شفت ان مافيهم فايده وكل يوم يدخلوني على دكتور اظن ماعنده الا سادس ابتدائي قلت لزوجي خلاااااااص تعبت منهم وارتحت من العلاجات لمدة 5 شهور تقريبا ورجعت لدكتوره كثيرين مدحوها لي قلت يالله معد فيه الا هي ويقولي زوجي بالله اذا دخلتي عليها قولي لها اننا مستحين منك مامريناك قلنا نمر عليك ونطور المستوصف شوي هههههههههههه صدق والله المهم بدأت في العلاج عندها وطبعا هي حبوب وابر بس بصراحه كانت مهتمه شوي يعني تعطيني ابرتين مثلا وتشوف حجم البويضات وين وصل أدري اني طولت عليكم لكن قلت لازم احكيلهم وافضفض لهم جزء من العذاب اللي ذقته من غير كلام الناس قد حملتي والا باقي ووش قالوا عندك والمضايقات اللي يلقاها زوجي والزملاء في الدوام تزوج يارجال ماناقصك شئ وآه آآآه الحمد على كل حال
المهم في النهايه قلت ليه مانروح لشيخ ورحنا لشيخ وقرا علي وحسيت بتنمل في أطرافي المهم قال يبدو انه حسد واعطاني سدر ومويه مقري عليها وقال اكثري من الاستغفار واقري سورة البقره وحافظي على الاذكار وحافظي على الصلوات في أوقاتها المهم طبقت كلامه والحمد لله ارتحت كثييييييييير وانقطعت من عنده لكن كنت مداومه على الاذكار والا ستغفار وقرأت عن صلاة الليل والدعاء المهم وداومت عليها والله والله يابناااااااات حسييييييت براحه وسعاده ماحسيتها في حياتي آمنت بأن كل شئ مكتوب علي ان جاني عيال والا ماجاني هذا خير من الله وكنت ادعي دائما في السجود (ربي لاتذرني فردا وأنت خير الوارثين) كنت اقوم الليل واصلي ركعتين والشفع والوتر وادعي ادعي يااارب يااارب بشرني بالحمل السليم المعافى عاجلا يارب العالمين ادعي يارب تسخر زوجي لي وتسخرني له وتبعدنا عن عيون الحاقدين الحاسدين ياااارب ارزقني حبه وارزقه حبي وارزقنا الذريه الصالحه ادعي من قلبي وابكي والله ماتتخيلون الراحه اللي صرت فيها وكنت اراجع عند دكتورتي الاخيره المهم حللتلي هرمون التبويض اول مره احلله تخيلوا طلع 2 يعني التبويض ضعيييييف هو المفروض انه من فوق العشرين والله يابنات يوم قالتلي 2 أبد مايأست قلت الحمد لله وطلعت وانا اضحك لاني كنت واثقه ان الله كريييييييييييم قبل كنت ارجع ابكي ابكي ابكي اذا اعطوني منشطات ومانفعت والدكتوره في نفس الوقت لها دور في تفائلك تدرون وش قالت قلت انها تقول اوووه صعب حملك لا قالت عااادي اعطيك منشطات ويرتفع عادي ماهو شئ صعب ويمكن الشهر الجاي تحملين المهم استمريت على قيام الليل والدعااااااء وانا واثقه ان الله يستجيب لي مو تدعون وتقولوا ربي مااستجاب لا ادعي وثقي ان الله كرييييييييييم
المهم وتجيني الدوره ورحت للدكتوره واعطتني كلوميد وابرتين بسسس وقالت نشوف المبايض وشافتها قالت حجمها كويس جدا قلت طيب اعطيني الابره التفجيريه قالت لا انتي عندك تكيس بتطلع لنا اكياس جديده المهم وطلعت ومتفاااااااائله كثييييير ونمت يوم في العصريه والله يابنات غفوه بسيطه وتحلمت بحلم كأنه جوال قدامي ومكتوب فيه رساله كان الجوال في مكان مظلم بس اشوف نور الرساله تخيلوا وش مكتوب مكتوب بيجيكم الولد واسمع صوت اختي تقول اقري الرساله قلت قريتها عادي انا وش دخلني في الموضوع قالت ماتذكرين حلمي قلت انا ياالله وصحيت فرحانه هي اختي هذه قد تحلمت لي قبل ان كاني اكلمهم واقول بيجي زوجي اولاد واسمائهم عبدالله واحمد تقول كنت تكلمينا وانتي فرحاااانه المهم الحمد لله تفاااائلت كثيييير حتى اهلي كانوا يترقبون اتصالي وابشرهم اني حامل المهم وانتظر الدوره ذيك الشهر آخر دوره جتني في 21 من الشهر المهم يوم جاء الشهر الثاني وماجت انظرت اربعه ايام عن موعدها ماجت جاني احساس اني حامل على انه بعض الاوقات تتقدم وتتأخر لكن سبحان الله الشهر هذا تفائلت كثيييييير واحس بقسوه في صدري وبآلام الدوره ومانزلت المهم واللي خلاني اشك زياده ان الدكتوره اعطتني حبوب وقالت استخدميها لمده 10 ايام ووقفيها عشان تنزل الدوره اذا مانزلت تعالي نحلل حمل يوم شفتها مانزلت رحت حللت واخذت النتيجه ووديتها عند الدكتوره وانا ارتجف وتطالعلي وتبتسم وتقول مبروك أنتي حااااااااااااااااااااااااااااامل وامسك على قلبي قلت الحمد لله وفي عيوني دموع قالت لازم نشوف الجنين في الجهاز وورتني زي النقطه يااااااااااارب ماتنحرمون من هاللحظه حسيت بشعور غرييييييييب واخرج من عندها قلت ياالله ماأكرمك ماأكرمك قلت وقولك الحق ( ادعوني استجب لكم ) يااااارب ماقدرناك حق قدرك وادق على زوجي واقول وش تتوقع قال عادي زي كل مره مافيه قلت لا لا هالمره غيييييييييييير مبروووووووووك انا حااااامل ماانتظرت الين يجي ياخذني واعلمه في السياره لا في وقتها ودي اصييييييييييح وأقول للناس اني حامل المهم ويجي ياخذني وفرحه على وجه زوجي ماعمري شفتها فرحة العمر وابتسامه وطول الطريق واحنا نقول الحمد لله وادق على امي الغاليه امي اللي من زمان تنتظر هاللحظه واعلمها واعلم خواتي ويعلم زوجي اهله والحمد لله أولا وآخرا


وكنت دايم اكرر على زوجي تصدق بنية يجيك عيال والله يابنات في الشهر اللي حملت فيه يقول شفت واحد مررره محتاج واعطيته من خير الله يقول ويدعي المحتاج الله يرزقك الله يوفقك يقول شكله محتاااااج مره فيوم حملت يقول سبحان الله لعلها دعوته يابناااات اكثروا من الصدقه وحافظوا على الصلاه في اوقاتها واتركوا المنكرات وداوموا على الاستغفار وحافظوا على صلاة الليل ولو ركعتين واكثروا من الدعاااااء خاصه في السجود واوقات الاستجابه حافظوا على اذكار الصباح والمساء والنوم والله بتشوفون الخير

أسأل الله العلي العظيم رب العرش العظيم ان يرزق كل محرومه من الذريه بالذريه الصالحه عاجلا ويقرعينها بشوفة عيالها يارب العالمين


أنا الآن في الشهر الرابع لاتنسوني من دعاكم لي بتثبيت حملي وتيسير ولادتي وارزقني بطفل سليم معافى لافيه زياده ولانقصان
اعتذرعن الاطاله

والسلام ختام