وقت ليلة القدر!!!!!!!!!!!!!!!!

هلا بنات وحريمات
تقبل الله منا ومنكم الصلاة والقيام وصالح الأعمال
8
8
المهم بدخل بالموضوع
8
ماتلاحظون إن المواضيع كثرت هالسنه فيما يخص ليلة القدر؟!
مااقصد فضلها........ أقصد موعدها
8
8
اللي تقول الشيخ الفلاني يقول انها 21 وبكرى تجي الثانيه تقول المفسر العلاني شاف بالمنام انها 23
وبعد بكرى تجي ثالثه ورابعه وعاشره وتصور لنا الشمس بكل الليالي!!!
كنهن يقولن لنا إنتبهو لاتقومون إلا الليله الفلانيه !!
8
8
اسمعي أنتي وياها هالليله علمها عند ربي مثلها مثل علم الساعه
الله أخفاها حتى يجتهد المؤمن بالطاعات
صحيح إن السُنّه دلت بدلائل تدل عليها
منها صفاء الشمس وهدوء الجو في اليوم اللذي يليها........إلخ
بس مو لذي الدرجه كل وحده تجيب علم من راسها وتستمر المواضيع فيها وتصوير
كننا مانعبد الله إلا بليله

جد هزلت!!
خواتي الرسول قال تحروها في العشر من باب الاجتهاد والعمل الصالح بكل الليالي وعلى وجه الخصوص العشر الأواخر
كان النبي صلى الله عليه وسلم إذا دخلت العشر شد المئزر وأحيا ليله وأيقظ أهله
لم يتقاعس هو وصحابته حتى يعلمون بليلة القدر ويترقبون الشمس والقمر والسماء.........
وكان يقول «تحروا ليلة القدر في الوتر من العشر الأواخر من رمضان» .

حنا ندري إن ليلة القدر فضلها أكثر من غيرها وإنها خير من ألف شهر بس مانحدد ليله بعينها
لازم نجتهد بكل الليالي وكل الأوقات

رمضان شهر الطاعات والرحمات والعتق من النيران حري بنا أن نجتهد في جميع أوقاته عسى الله أن يتقبل منا ولو قيام ليله :(
بدل مانحط يديننا على خدودنا ونحتري ونصور ونخمّن ونلف وندور ونسأل ونتوقع

نروح نتعبد الله يمكن هالليله اللي ماتوقعناها تكون هي ليلة القدر
وليالي رمضان كلها مباركه وأقسم الله بها في كتابه الكريم...........

جد إستغربت من التخمينات والتصوير في المنتديات للسما والارض والشمس والقمر!!
وبعدين الدلائل اللي تدل عليها أعتقد تكون باليوم اللي بعد الليله
يعني لو عرفتي وقتها مايمديك ترجعينها وتتعبدين أكثر.........

مادري ذي وجهة نظري
إلا إذا كان فيه حديث عن النبي يقول لاتتعبدون ولا تقومون الا اذا تأكدتو إنها ليلة القدر هذا شي ثاني
والله ماأعلم
ياليت توضحون لي إذا أنا غلطانه

:26: