وكم من تلميذ فاق استاذه \ تفضلوا كيكة شغالتي الرهييييبة تصدقوا صارت الذ من كيكتي

السلام عليكم ورحمة الله وبركاتة

علمت شغالتي لصنع الكيك لاني احبه بس صراحة تفوقت علي وكيكتها تطلع هشة ولذيذة
حتى اني صرت لما احب اسوي كيكة اناديها واسالها وش مقادير كيكتك

ولما نروح عند اهلي وهي مسوية كيكة اقول لهم امدحوها وانا بدوري امدحها قدامهم
المهم مالكم بالهذرة الزايدة تفضلوا
المقادير\
2 بيضة
كوب حليب
كوب سكر
نص كوب زيت
ملعقة اكل بكنج باودر
فانيليا
2كوب دقيق العالمية هذا احسن دقيق عندي للكيك والمعجنات ابيض وحلو بس اذا عندك دقيق كويتي كويس
او الفاخر بس انخليه كويس حتى تكون الكيكة هشه
الطريقة\ حطي كل المقادير في خلاط العصير ماعدا الدقيق واخلطيها لمدة عشر قايق
ثم اظيفيها الى الدقيق واخلطي بالملعقة بس لاتكثرين خلطبس مجرد انها تنخلط مع بعض كويس
لاني مجربة كثرة خلطها تخرب الكيكة
ادهني الصينية يكون مقاسها وسط ورشي فيها شوي دقيق
والفرن لازم شغال من قبل بعشر دقايق
حطي الكيكة في وسط الفرن على الرف وانتظريها حوالي 40 دقيقة على نار متوسطة وحمريها وطلعيها من الفرن وخليها تبرد برا
وجهزي دريم ويب مع قشطةالتاج اخلطيها بالمضرب الكهربائي او باليد وزينيها باللي تحبين

هنا الشغالة رسمت عليها بشوكلاتة بودر مذوبة بقليل من الماء ثمحشت الرسمة بجوزالهند الملون بالوان الطعام


ها شرايكم عجبكم شغل شغالتي

بس دعواتكم ان ربي يهديها لعيالي هذا اهم شي عندي

ولا تنسوني من دعواتكم ترا انا اللي معلمتها حتى لو انها تفوقت علي:42:

ياحبي لكم يابنات حواء وهذي لكل من تدخل موضوعي
:26::26::26::26: