ولادتي .. معجزه إلآهيه

بسم الله

ماشاء الله

تبارك الله


بتاريخ 1 - 8 - 1430 للهجره

الموافق23 - 7 - 2009 ميلادي

يوم الخميس

الساعه السادسه والنصف مساءاً

تمت ولادتي

اللهم لك الحمد والشكر ..

طبعاً بعد تعب وبهذله الله أعلم فيها ..

انا كنت رايحه موعدي لدكتورتي طبعاً آخر موعد لي

وسوت تحريض للرحم ومن بعدها بدت تظهر لي اعراض الولاده ..

سداده , دم ........... الخ

الماي كان ينزل علي 3 ايام ومن الدجه ماكنت ادري انه ماي

احسبه افرازات عاديه .. ومدري وش خلاني اروح المستشفى ذاك اليوم

لكن قلت خليني اروح واتطمن , الموهم رحت لهم وسوت لي اختبار

قالت هذي فعلاً موية الجنين ..

وامسكوني ..

وبدت الموعاااااااااناه ..

كل شوي يفحصوني .. والوضع مثل ماهو مايتغير ..

ماكنت أحس يابنات بأي شي لاطلق ولاشي حتى الرحم كان مفتوح 1 سم بسسس

بس بعدها جاني طلق خفيييييييييف بااااااااااارد ..

الموهم نمت ذيك الليله بالمستشفى

وماصحيت الصبح الا من صجة الدكاتره فوق راسي .. اقول ياااربي وش صاير

اكبر استشاري بالمستشفى كان موجود

خرعوني .. قلت اكيد اكيد فيه شي

قالو الجنين نبضه متسارع

وماعاد فيه مويه لأن المويه كانت تنزل من كم يوم

و هذا الأمر سبب لي التهاب وارتفاع درجة الحراره وكل هذا أثر على البيبي ..

وقال الدكتور لازم تولد بأسرع وقت خلال 6 او 7 ساعات الجايه

المفترض تكون ولاده .. الوضع مايحتمل التأخير .. لازم نسوي قيصريه .. موافقين ولا لا ..

انا فتحت فمي .. ياناس وش السالفه ..

طبعاً ماوافقت على طول قلنا طيب نبي نصبر ونشوف ..

وحطوا لي طلق صناعي .. وآآآآآآآخ آآآآآآخ قمة العذاب ..

مع كل طلقه احس ان روحي بتطلع .. وكنت ادعي واستغفر طول الوقت ان الله يصرف عني القيصريه

ويهون ولادتي ..

و كنت أستفرغ بشكل عجيب ..

وبعد كل ساعه يجون يفحصون والرحم مثل ماهو حالف مايفتح آآآآآآآآآآآخ تخيلو 4 ساعات 2 سم بسسسس

جتني الدكتوره قالت بعد كم ساعه برجع اشوف اذا فيه تغير ..

وروحي وارجعي والوضع مثل ماهو آآآآخ

انا هلكت وبيّن علي التعب خلاص انهد حيلي .. ماعاد اتحمل

وعلى هالطلق ..

ووقتها فعلاً لجئت لربي .. قلت ياااارب مالي غيرك

والله يابنات اني ماعمري حسيت هالاحساس الصادق مع الله

دعيت ربي من قلب .. من قلب .. واستغفرت بإيمان ويقين .. وانا كلي ثقه ان ربي بيساعدني ..

ساعتين وانا عيوني فوق فوووووووووووووووق متجهه لربي ..

ودموعي تنزل .. من شدة الالم والتعب ومن وضعي الحرج اللي مو راضي يتطور



استغفر الله

استغفر الله

استغفر الله



جت الدكتوره تشوف وتقيس الرحم والمفآآآآآآآآآآآآآآآآآآآآآآآآآآآآآآآآآآآآآجأه كانت ..




























































































































الرحم مفتوح 9 سم ونص !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

وصاحت الممرضه .. ولاده .. ولاده ..

قسم بالله يابنات وقتها ..

استحيت من ربي .. وقمت أصييييييييييييييح ..

مدري من الفرحه .. مدري من التعب .. مدري

وقاموا الممرضات يجهزون الاغراض وجت الدكتوره ..

وقعدت أدفع وادفع وادفع .. وآه .. إي .. أوو .. وطلع عبود :)


ولادتي كانت في مستشفى سعد ..

وضعي كان حرج والمويه ناقصه وماكان فيني طلق ..

كان من المفترض اول مايعرفون هالأمر على طول يعجلون بالولاده .. ويحطون لي طلق صناعي ..

انا نقعت عندهم يوم كامل وبعدها فكروا يحطونه لي !

ولدي جلسوووه بالملاحظه 4 أيام .. .. طبعاً كنت أروح أشوفه يومياً وأمشي ..

وتخيلوا الوضع والده ماصارلها يومين والخياطه وحالتي حاله ورايحه جايه عليه ..

طبعاً أنا ولادتي تأمين على حساب الشركه ..

تخيلوا مرسلين فاكس للشركة التأمين على ان الطفل جالس بالحضانه ومارح نقدر نطلعه

الا بعد 12 يوم يعني تقريباً اسبوعين ..

وطلعوه بعد 4 ايام !!!!!!!!!! وفهمكم كفايه ..

وحده من الممرضات لبنانيه نسيت اسمها , كانت جالسه معي وتتابعني

اسلوبها معي سيء للغايه ..

ماقدّرت وضعي .. وانا تعبانه وتحت تأثير الطلق الصناعي ..

اصيح واقول بموت من التعب خلاااااص , تقول والله خيّرناك وانتي اخترتي تتعذبين !!!

الدكتوره اللي ولدتني سوريه اسمها صبا ... اسلوبها ومعاملتها كويسه معي وشكلها شاطره ..


تجربة الولاده غيّرت حياتي .. وغيّرت أشياء كثيره فيني ..

إستنتجت وإقتنعت بعد ماولدت إن فعلاً .. الله قريب سميع ومجيب للدعـــاء ..

وإن الإستغفار يفك الأقفال !

وسلامتكم ..