ولدت الحمد لله وجيت بقصة ولادتي

صباح الخير عليكم اجمعين .... كيفكم يارب بخير
انا جايه وجايبتلكم خبر ولادتي ولله الحمد جبت يزن ابني يوم الاثنين الماضي بتاريخ 23_5_1427 الساعه 10 ونص بالليل
واخليكم مع قصة ولادتي .........
طبعا بدأت الالام معاي من فجر الاحد وحاولت اكذب نفسي بانها الالام طلق كاذب صليت الفجر واتروشت وحاولت انام لكن لاحظت ان الالام تزيد وكل ماغفي تصحيني من النوم وحسبت المده طلعت احيان كل ربع ساعه واحيان كل عشر دقايق واحيان كل خمس دقايق قمت من النوم من كثر الخوف وعملت قرفه وامشي بالبيت واشرب وادعي مع كل طلقه الله يهون علي لكن الالم زي ماهوا مايتغير بس منتظم .. رجعت نمت كم ساعه والالام تقطع نومي
صحيت العصر رحت لمستشفى خاص عشان اكشف بس هل هي ولاده ولا لا ((مع العلم انو الدم نزل معاي من يوم الجمعه ومن يومها ينزل معاي متقطع مع مخاط)) المهم رحت للدكتورة قالت وجهك مو وجهه ولاده لانك ماتتوجعين قدامي الحين نرفزتني رعت البيت حاولت امشي واهدي نفسي شوي .. كلمت امي قالت الا تروحين المستشفى وتكشفين فعلا روحت المستشفى وانا قلبي بيدي وكشفت السستر علي قالت الرحم مفتوح 1سم قالت روحي امشي كثيييييييير اذا نزلت مويه تعالي .. رحت البيت امشي واشرب اعشاب وقرفه على امل يسرع فتح الرحم عندي مشيت من المغرب الين الساعه عشرة العشاء تقريبا والالم يزيد والطلق منتظم كل خمس دقايق .. رجعت المستشفى قالت لسا ماتغير روحي امشي كمان واذا ودك تتنومين عادي وفضلت اني اخرج عند امي احسن
طبعا خرجت عند امي والمسكينه جلست تراقبني ومانامت طول الليل مشي ودعاء وقرفه ورطب والالام تزيد وتذبحني معها لمن قرب الفجر ماقدرت استحمل واتصلت على زوجي جا اخذني انا وامي ورحنا المستشفى قالت فتح بس 2سم ياااااااااااااااااااااااااويلي هذا كلو بس 2سم المهم رجعت خرجت ببيت اهلي وانا النوم محاربني من كثر الالام مع كل طلقه
حاولت امشي مع انو رجلي حسيتها اتورمت من المشي ويادووووووووووووب اقدر امشي من الالم هذا غير قلة النوم والقلق حاله الله العلم فيها
جات الساعه تسع ونص الصباح قررت اني اتنوم بالمستشفى مهما كان لانو نفسيتي تعبت رحت وطلع الرحم مفتوح 3 سم بس اتازمت اكثر قالتلي خلاص تنويم اتنومت وانا الالام كل مالها تزيد معاي وكل خمس دقايق بعدين اكتشفت انو الرحم يفتح عندي كل اربع ساعات تقريبا الحمد لله على كل حال
جات الساعه اربع العصر قامت الالام تزيد اكثر وصااااااارت لاتطاق وقمت ارجع وانتو بكرامه مع كل طلقه تجيني والمسكينه امي تبكي معاي وخليت حالتها حاله معاي ذاك اليوم .. بعد الساعه 7 المغرب قرروا يدخلوني غرفة الولاده قلت اكيد هانت وقرب البيبي ينزل لانها كل ماسالها كم فتح تقولي ان شاء الله قريب لاتخافين
يوم دخلت حطت علي الاجهزه وتروح وتجي علي عشان تتطمن وتمر ساعه ورا الثانيه وانا احس الالم بيذبحني واصارخ واقلب الدنيا مع كل طلقه احيان يامي واحيان يارب والممرضات يطنشوني
جات الساعه عشرة وعليها الا القابله تقولي خلاص الراس واضح بس حاولي تدفعين وانا والله مافيني حيل وقتها طولت وهيا تقولي ادفعي لاتصارخين وانا اصارخ عليهم اقولهم بموووووووووووووووت حتى كانت في سستر تقولي انا اشوف شعر البيبي حلو يالله بسرعه عشان اشوفه كلو يالله بقوه كانت تشجعني طبعا لكن ابدا كان حيلي مهدود عالاااااااااااااااخر وصوتي مبحوح من كثر ماصارخ وباخر دفعه قامت وحده من الممرضات وعملت لي مساج على بطني هو الي ساعد البيبي يخرج وماحسيت الا البيبي قدام عيوني يبكي الحمد لله الاهما يصارخون ويباركون وانا ابكي من الفرحه حتى والله لمن جات مرحلة نزول المشيمه والخياطه بدون ماأحس فيها لاني كنت اتفرج على البيبي وهما ينظفونه
وكنت وقتها اسمع امي تبكي برا ودها تشوفني وهما ماكانو راضيين ... هذه قصة ولادتي الحمد لله انو ربي وهبني احلى يزونه بالدنيا الله يخليه لي ويصلحه ياااااااااارب
لكن انصح كل وحده على وجه ولاده وقت الطلق ماتنسى الدعاء ((اللهم ياخالق النفس من النفس ومخرج النفس من النفس ويامخلص النفس من النفس خلصني )) انا كان يزيد الطلق علي وينسيني الالم بعون الله
اللهم لك الحمد على كل حال ونسال الله الاجر والثواب على صبر الولاده والله يهون على كل وحده حامل .. وتحياااااااااااااااااتي للجميع