ولدت بالشهر الخامس وابي مساعدتكن

ما عندي فكره بس حبيت ادعي لك والله يعظم اجرك ان شاء الله وجعل شفعه اكبر من نفعه

الله يعوضك اخير منه ويجعله شفيع لك ولابوه ويعظم اجركم

اشربي سوائل دافيه و سوي مثل اي والده يمكن بعد فيه شي ماطلع وخذي رشاد وحبة سوداء وفلفل اسود
ولاتنسين اذا طهرتي قشر الرمان

الله يجزاكن خير انا حاليا اكل حلبه مع حبه سودا بس يوم فيه دم ويوم ما فيه والله يعيننا يالحريم

الله يعظم اجرك ان شاء الله وجعل شفعه اكبر من نفعه

بس الي اعرفه انه امي تستخدم للنفاس اليانسون او قرفه اوحوايج من العطار للنفاس تغلينها وتشربيها مع عسل اصلي اعجني تمر مع رشاد وتفه وكلي منها كل ماتذكرتي يقولوا الحلبه ايضا تنظف او القشر هذي كلها انواع تنظف الرحم ان شاءالله اختاري منها وسويها بترمس واتقهوي عليها كل ماتذكرتي
ولاتنسي المويه البارده تضرررررر لاتشربي بارد ابد وخلي اكلك عريكه ومرقوق وقرصان ومسلوقه وخضار وفواكه يعني تماما مثل النفاس العادي لانه الاجهاض يعادل الولاده بسبع ولادات الله يعطيكي الاجر ان شاءالله
اما الدم اذا وقف صلي وامسكي القران هذا الي سمعته من امي حتى الوحده تقدر تنام مع زوجها بس الافضل تجلسي لين الاربعين عشان ترتاحي من ظهرك وعظامك تتصك والخياطه ياعمري لسه ماتعافى مكانها ارتاحي وبعدين لكل حدث حديث ربي يشفيكي ويعوضك الذريه الصالحه البارين الصالحين المعافين ان شاءالله