ولدت قبل امس قيصري والسبب...!

السلام عليكم
الحمدلله من قبل ومن بعد اللي انقذ جنيني فاللحظات الاخيره
انا الجنين مقعدي وقالو من اول التاسع احتمال لو ماتعدل اولد عمليه
والكل قالي ومن ضمنهم انتو طنشي وماعليك احبي وامشي وووو
وسبحان ربي الرحيم فيني وفجنيني
كنت مكسله ع موضوع المشي مشيت يومين وحبيت كم خطوه فيه شي كان مو مريحني من الحبو
وقبل امس جاني طلق خفيف وصار منتظم بس مو قوي
رحت قال الدكتور باقي الراس فوق ولازم عمليه بس ننتظر يشد الطلق نتأكد انه طلق حقيقي
واشتد الالم وانا عندهم ودخلني العمليات طلبت تخدير نصفي
وهو يطلع فالنونو قالي يابنتي الحبل السري لاف ع رقبة الجنين ثلاث لفات عشان كذا ماقدر يتعدل وينزل للحوض
سبحان الله يمكن لو كثرت مشي وحبي كان اختنق ولدي
المهم الحمدلله ع كل حال انا طلعت وهو باقي طلع معاه تشنجات بسيطه ويبغون يتطمنون عليه تحت الملاحظه وان شاالله مايكون تأثر بهالالتفاف من الحبل وربي يبشرني بخروجه وتكتمل فرحتي
والله اني تعبانه ولا اقدر اكتب كثير
بس ابغا نصايحكم لتخفيف الم العمليه
مررره الم الحمدلله
كأنه احد يطعن فيني ولا اقدر ارفع ظهري اخليه مستقيم وانا امشي
بس منحنيه وماسكه عالخياطه حتى بطني راخي احسه نازل عالخياطه تعبني
اللي حولي ماعندهم خبره فالقيصريه كثر الطبيعي ودي تساعدوني باللي تقدرون عليه اش اهم النصايح اللي اسويها وتريحني من هالالم
الدكتوره قالت خليك ملزقه عالجرح لايتبلل وراجعينا بعد اسبوع وبس
انتظركم الله يريحكم فالدنيا والاخره





✨يارب وكلتك امري فانت خير وكيل✨