ولدي بالثانوي اللي رايها سديد او مر عليها نفس الحاله تفيدنا بخبرتها الله يعافيكم

ابنات ياليت تساعدوني انا وزوجي بحل مشكلتنا 
ولدي اول ثانوي من صف ثالث متوسط صادق شله اولاد كانوا يسهرون بالليل ومايجي الا متاخر  وصار يدخن بس مايعترف ريحتة كل يوم دخان  كان اذا طول مرررة يجي ع الساعة 2 بالليل خانقناة وضربناة ع السهر النتيجة خلاص خلاهم بس راح يصادق شله ثانيه رفض يقول لنا منهم ولا يعطينا ارقامهم ولا اي معلومة عنهم صار يسهر باليوم واليومين احيانا يجي مرررة متاخر واول مايقوم الصبح يطلع ومايجي الا من بكرا بالليل او من بعد كن يوم 
الابوا رافض يضربه يقول اخاف اضربه ويختفي ولا عاد يجي 
انا خايفة عليه اذا سالته يقول انا نايم عند صديقي بس انا مو مصدقة اكيد اهل صديقة بيخانقون ولدهم انا اقول له انت بشقة والا استراحة يقول لاوالله اقول طيب وش تسوون يقول نلعب بلوت له اخو باول جامعة هادي ودايم بالبيت اول دايم مع بعض الحيناذا جا نادر يقعد معاة ع طول يدخل غرفتة ويقفلها وينام واذا صحى يطلع 
اول يبي سيارة عطاة ابوة كم مرة ع طول يصدم لانه يسرع ويفحط الحين مامعاة سيارة 
انا اخاف من المخدرات والبلاوي ياليت تشيرون علي كيف نتصرف 
نسيت اقول لكم انه ملحقنا مالينه عفش وحوشي مكسر بلاطة بيتنا فله ملك قديمة بس مارممناها زوجي اول ماسكنا كسر بلاط الحوش يبي يشتغل بالمواصير والا يومكم
اولادي يتفشلون من البيت مايدخلون اصحابهم مع انه مجلسنا مرتب 
ماادري اذا هذي السالفة هي سبب هروبه من البيت