ولدي والقماط .. ومتعود على الشل

السلام عليكم خواتي

انا عندي مشكلتين مع ولدي الله يحفظه .. عمره 21 يوم .. وما يحب القماط ابدا .. دايما يتعصر يبي يفكه .. يعني حتى وهو نايم يحاول يفك القماط ولو ما قدر يقعد يصيح صياح هستيري .. ولو حاولت اهديه وارجع انومه بالقماط بينام وبعدها بفترة بيحاول يفكه مرة ثانية ويصيح ... والمشكلة اني حاولت انومه بدون القماط بس ما يطول بنومه يعني نص ساعة او اقل ويقوم من نومه ولو سمع اقل صوت وكان بدون قماط على طول يقوم ... اما بالقماط ينام تقريبا ساعتين ..

والمشكلة الثانية .. انه لاحظت عليه بهذي الايام كله يبي شل على اليد .. يعني لو شلته على يدي يظل يبكي لحد ما اشله .. وفوق هذا ما ينام الا بحضني .. يعني ارضعه وينام بس لما احطه بسريره يرجع يصحى ويبكي .. ويكرر هالعملية 4 او 5 مرات لحد ما ينام .. شو اسوي الله يخليكم ؟؟

وهل عندكم أفكار عشان اخليه يطول بالنوم وما يصحى بسرعة ... هو كان في البداية يعني اول اسبوع ونص من ولادته يطول شوي بالنوم يعني ممكن ينام 3 الى 4 ساعات وبعدين يصحى .. بس ما ادري شو صار له وصار ينام ساعة ونص الى ساعتين او حتى اقل .. افيدوني جزاكم الله الف خير

في مان الله