ولدي وبنتي والغيره..........

السلام عليكم يا بنات...........

بستشيركم في حالة عيالي..ولدي عمره اربع سنين ونص..وبنتي ثلاث سنوات بالضبط..مايطيقووووووون بعض.
طول الوقت الولد يضرب في اخته..(مع انه مو عدواني مع عيال الناس بالعكس حبوب) بس على اخته عدواني..
واناوابوه حاولنا بكل الطرق..حبسناه ..حرمناه من الاشياء اللي يحبها..تفاهمنا معاه ان هذي اختك لازم تحبها..مافي فايده..اشتريت لوحه وصرت الزق له نجوم اذا مايضرب اخته..واذا ضربها اشيلها..مافي فايده طول الوقت وانا اشيل بهالنجوم,,مايقدر يمسك نفسه..
على العلم اني ماافرق بينهم ابد..في اللبس والالعاب والكتب..اذا بست اخته اروح ابوسه,,واذا ضميتها اروح اضمه..عشان مايحس بالتفرقه ..بالعكس يمكن هو اعامله بحرص اكثر لانه لازق فيني مو مثل اخته...ومع ذلك ماسك علي ياماما انتي ماتحبيني..يقطع قلبي يوم يقول كذا....ماعرفت كيف اتعامل معاه..خصوصا انه يضرب اخته حتى برا البيت..عند الناس ..في المطعم..في الملاهي....الخ

الشي الوحيد اللي يخلينا نتنرفز عليه ونهاوشه هو معاملته لاخته..الا هو في السياره مؤدب يجلس بكرسيه..واذا لعب يشيل العابه..يغسل اسنانه..يحب يلون ويكتب بعض الحروف والارقام...اذا اكل يودي صحنه المطبخ..بس عند اخته..ينقلب الحال..
تعبت نفسيا من هالحاله..اول كان صغير ..الحين كبر وكل ماله يزيد..اللي عندها الخبره تقترح علي شي..رجاااء..