ولدي يكرهني

مثل ما قريتو بالعنوان00ولدي عمره عشر شهور يسوى عيـــــــــوني اموت عليه لدرجة اهلي يقولون حبك له حب مرضي مو طبيعي سخرت وقتي كله له حتى الوظيفه تركتها علشان اهتم فيه ومااضطر اخليه عند احد 0000بس الحين الكل ملاحظ انه يتضايق معي يبي اي احد غيري مااحس انه مرتبط فيني مثل ارتباط الأطفال بسنه بأمهاتهم يموووووووت على ابوه وجدته والشغالات :( اي شغاله مو بس اللي عندنا بالبيت لو يشوف شغاله تمشي بالشارع قعد يصيح يبيها على فكره انا مو ساكنه في البيت لحالي فيه معنا ام زوجي لكن انا اللي اهتم فيه واقوم بكل احتياجته ام زوجي تاخذه شوي تلاعبه يعني مو طول الوقت معاها00تخيلو من يوم ولدته ماحضنته يررررررررفض الأحتضان مايبي حتى الرضاعه الطبيعيه رضعته بس شهرين بعدين صار مايبي يرضع لكن غلطتي لما كنت اعطيه الرضاعه احط تحت راسه مخده واخليه يرضع لحاله ماارضعه وهو بحضني الحين مستحييييل يرضع وانا شايلته او ماسكه له رضاعته يبي هو يمسكها وينام على مخدته كأنه يبي يستقل لحاله 00الموقف اللي اثر فيني امس ولأول مره من ولادته غبت تركته عند جدته اربع ساعات وطلعت كان ودي اطييير للبيت اشوفه وارجع ولما دخلت انا وابوه جى يركض بمشايته على ابوه ولما حاولت اشيله قعد يصيح يبي ابوه
لا تضحكون علي وتحسبوني حساسه وابالغ عساكم ماتجربون اللي قاعد يصير لي قولو لي فيه احد مثلي ولا ولدي حاله خاصه