ولدي يلعب في وجهي!!!!!!!!!!!!!!!!!!!!!!!!

مرحبا يا أمهات..

عندي مشكلة....

بصراحة ما ادري هي مشكلة والا لا ..... وما ادري سلوك ولدي عادي والا لا ...... بس اللي اعرفه اني بديت أنقهر واتضايق لأن السالفة طولت وانا اساسا مب عارفة هذا شي طبيعي والا لا.


ندخل في الموضوع من بدايته..

ولدي يوم بدا يكبر شوي ... يعني قرب السنة .. كان يوم احطه في حضني عشان ارضعه يتم يلعب في ويهي يعني يتحسس ويهي .... وانا كنت اشوف بعض الأطفال الصغار يسوون هالحركة عشان جذي ما تفاجأت بها .. لكن هالحركة استمرت واستمرت واستمرت ..... وشكلها ما تبا تخلص ولا توقف!!!!!!

يعني يوم كان صغير وينام في حضني كان يسويها ... ولما علمته ينام في سريره في الليل قام يسويها يوم يقوم من نومه الصبح ويطلع عندي في سريري .. أو اذا قام الظهر من قيلولته .. وأثناء النهار يسويها اذا مثلاً دخلته الحمام أو كنت اسبحه أو أبدل له ثيابه .. وفي الليل عقب ما يتعشى واسوي له كوب الحليب يي يقعد في حضني وهو ماسك الحليب بيد وباليد الثانية هااااات يا لعب في ويهي والصبح نفس الموال وهو يشرب الحليب بعد .. والسالفة تطورت فبعد ما كان يتحسس خدي صار خدي وخشمي وعقب صار خدي وخشمي وعيوني والحين خدي وخشمي وعيوني واذني!!!!!!!!!!!!!!!!!!!!!!!!!!!!!


سألت في الموضوع وقالو لي يمكن حليله يبا يحس بالأمان واني معاه وجنبه .......... لكنه يا عالم مرات يكون يالس في حضني يعني شو يبا أمان وحنان اكثر من جذي؟؟؟؟؟؟؟؟

وبعدين هو معاي طوووووووووووول اليوم .. وما اتركه بروحه ابدا الا نااااااااااااااادر جدا جدا .... ومعظم طلعاتي ودخلاتي وهو ريله على ريلي ... فكيف يعني بيكون يبا يحس بالأمان؟!!!!!!

انا فعلا مب فاهمة .. ولا تقولون لي مثل ما يقول لي زوجي (عادي ما فيها شي يعني شو بيصير اذا لعب في ويهج؟) .. لأنه مب عادي ومب مريح ويقهر ويغيظ وينرفز .. وزوجي حاط يده في الماي البارد لان ولدي ما يسوي هالحركة وياه وما يسويها الا معاي انا بس .. وولدي مب هاين علي ومب حابة اني اكسر خاطره وعشان خاطره احاول أتحمل .. لكن حركته هذه شوي وبتطلعني عن طوري.


ولدي ليش يسوي هالحركة؟؟؟؟؟