ولد خالتي يدورله بنيه حلال ؟ وابتلش بالخطابه ؟ ويش الحل

صباح الخير يابنات ابحكيلكم عن سالفته ولد خالتي ترويها اختوه لي اللي هي بنت خالتي طبعاً تقول اخوي الله يهديه مايعجبه العجب ولاصيام في رجب ازعجنا دورلي بنيه حلال وكلما رحنى لناس اجاويد يكرموني ويرحبون ويهلون فينا ويستقبلونا احسن اسقبال . ويدخلون البنت اللي ذكرت لنا من ناس قريببن او بعيدين نقول للولد مواصفتها يتبعطز ويتطنز ويتحكم فشلنا عند الناس تقول عجزنا دخلنا يجي عشر بيوت نطل في وجيه البنات .
ونعلمه المواصفات واذا بغاء يشوف البنت راح اهل البنت يسألون عنه والحمدلله هو راعي صلاه وطاعه وعندة وظيفة مرموقه يجلسون يسألون اقل شي شهر واحياناً شهرين وبالاخير يقولون تعال الله يحييك شفها وبعد مايروح ويشوفها . يجي ويهاوشنا ويتكلم علينا ويقولونا انتم ماعندكم ذوق ولاتعرفون تختارون هبلبنا جابلنا الصمرقع بروسنا عجزنا عنوه كل اللي شافهن بنات حمايل وناس اجواد بس للاسف عنده براسه شروطه عجزنا نعرفه هاذي طويله هاذي قصيره هاذي سمينه هاذي نحيفة هذا برجلينه شطوب هاذي ايدينه كبار اقسم بالله سالنه عن احلى وحده شفناه قلنالوله وشبك مابغيته وشناقصه هاذي يالخبل تدرون وشقال وراه ماناظرتني ليش كانت منزله راسه قلناله هاذا حياء بالبنت وكل ينت لازم تصير خجوله مااقتنع هالدبشه مدري وشيبي وبالاخير قرر. عقب ماغث امه هو اللي يدور عروس عن طريقوماادري من جاب ارقام هالخطابات وكل يوم هاذي ام يوسف هاذي ام محمد وبالاخير على حسب كلامه ان الخطابه طلبت منوة صورته ووين يشتغل وكم عمرة . لين عرفت تفاصيل حياته كله والمواصفات اللي يبيه وهالخطابه على حسب كلامه متوفي زوجها وعندها اربعه اطفال وساكنه في بيت لحاله .
الخطابه .
تدرون وش صار صار ان الخطابه هي اللي عرضت نفسها عليه حسبي الله عليها وميلت مخه وانهبل الرجال وفاتحه امه بالموضوع وبغي يجيها جلطه من كلامه حاولو ينصحونه ويفهمونه انه توة صغير ويثنونه عن الموضوع الرجال يقول ارتحت لها ارجولكم وشلون نقنع هالمهبول يشيل هالفكره من راسه .
وكلمته اللي دايماً يكررها انتم اذا شفتو الزينه صديتو عنها عشان تخافون تصير احلى منكم عشان كذا كل اختيارتكم فاشله وورطنابوة ابي رايكم .
انقذوا ولد خالتي وبنت خالتي .