ولهان عليك يولدي مشتاقة لك والله

السلام عليكم
خواتي شلونكم
انا تعبانة نفسيا مليت من كل شي مااني طايقة احد والله خلاص صايرة عصبية والله تعبانة ادري انتوا اكيد تمرون نفس اللي فيني اا بقولكم قصتي
انا متزوجة من خمس سنين اكتشفت انة زوجي يعاني دوالي سوة العملية ومانجحت قبل العملية كان 3 مليون وبعد العملية الف طبع انصحونا حقن مجهري وخالتي ام زجتي واهل زوجي ماكانوا اذا وحدة حملت تظن اني بحسدها حتى خالتي مرة في عيد الفطر الكل يقول عقبال مانشوف اعيالي يعني تدرون شنو ردت بعدين بعدين والله اني انقهرت طول فترة زوجنا عمرها ماقالت لي الله يرزقكم بالذرية الصالحة والا شي اهي وعمي والله زجي يقولها ادعلي يمة تقول ادعليك بالصحة ماتقول بالذرية الصالحةطبعا قبل لااسوي العملية رحت حق خالتي وقلتها يالخالتي طبعا بيني وبينها انا بسوي عملية وفيها حيات او موت انا ماخذة بخاطري منج انا اسمع عسى الله يرزقكم من البعيد ماسمعتها منك انتي اهم من الكل انتي وامي وقتلها عن العيد لية ماقلت جدام الناس انشاله الله يرزقنا ليش قالت بعدين بعدين قتلها هذا اللي بقلبي لااني اخاف اروح وبعد ماارجع وقلت اسلم على عمي لكن نام ومانطرني قلت ماعلية قبل لااركب الطيارة اتصلت علية وقتلة حللني ياعمي قلت بنفسي هالكلمة انة يحلولني اخاف اني قلت كلمة زعلتهم مني او شي لانة الانسان مومعصوم عن الغلط معنة انا ادري اني والله مغلطت عليهم وغير خالتي امي زوجي والله انة سوتلي اشياء يشب شعر الانسان منها والمشكلة انة تتكلم على الناس وتنافق الناس واهي تتكلم بالدين وملتزمة لكن والله منافقة الحمدلله والشكر لله يعني تتكلم في الناس يعني في وحدة من قرايبهم ولدها قلبة فية ثقب تقول جدامنا احسن صاير فيها جذي من نيتها امانة مو حرام تدعي على الناس الله يهديها
سافرت وية زوجي سويت حقن مجهري ونصحني الدكتور ارد جنين وعقب مارجعت الجنين انتفخ جسمي وكنت بغربة طبعا نوموني بالعناية المركزة صار في جسمي ماي وانتفخ اشوي بيوصل لرئة وانا تنومت بالمستشفى والا يقولون في حمل طبعا انا نسيت كل اللي فيني من الفرحة والله كان شعور عمري ماقدر اوصفة والله اكتب ودموعي تنزل معاي المهم قعدت خمس ايام وانا بين الحياة والموت والله كان الطبيب معطني جرعات ابر ذيادة دقوا السفارة قتلهم انا بموت خلاص والله على طول السفارة ماقصرت يابولي اسعاف من المنطقة اللي انا فيها الى العاصمة ودخلت امتشفى نفسة الي حطيت فية وعالطول افتحوا بطني ودخلولي انبوب علشان الماي يطلع ونمت 15 يوم والانبوب بطني المهم جيكوا على الحمل قالوا الحمدلله ورديت ديرتي وانا بالثالث وتميت الى الشهر الرابع انا ماكنت ادري انة تقلصات اللي فيني بداية طلق المهم كنت اعالج عند دكتورة معروفة بالكويت اراجع عندها على اساس تهتم فيني انة انا حمل خطر لكن ماسوتلي ربط وكانت ماتهتم فيني المهم حتى نمت بالطبيب فيني طلق وطلعوني وزوجي رجع بالغربة وانا اهني كنت مع اهلي وعقبها رحت لدكتورة علشان الفحص وقتلها فيني عوار قالت ماعلية هذا ثقل وكل شي تمام وانا احس عوار في بطني قلت يمكن شوية غازات وانا كنت ارجع وايد يعني ضعفت معة الوحام 15 كيلو والله بالغربة ورجعت تميت مااكل حتى الدواء والله ارجعة رحت الحمام تكرمون الفجر والا احس عوار برحمي والله انة انفتح وقمت اصارخ طلع مثل البلونة لما تعبينها ماي والا هو كيس الماي مال الجنين وافجر قمت اصارخ والله احس اني وقتها صرت مجنونة اول مرة يصريلي طبعا بعدها دم خفيف على طول رحت مستشفى خاص اتصلوا على دكتورتي تدرون شنو تقول تقول خلاص عطوا البيبي ابرة تموتة طبعا انا بغيت اموت اهي سهلة عندها بس والله انا تعبانة قرروا اهلي انة يودوني مستشفى حكومي خذتني الاسعاف ورحت عند الحكومة قالوا اكيد مات لانة مايقدر يعيش الجنين من غير ماي لقوة عايش لكن النبض قليل انا بداية الخامس وضليت لمدة 15 يوم وانا اتعذب جاء دكتور قال لازم ينزل ونموتة لانة راح يسبب للك عقم اذا تم في بطنك وباجر راح نحطللك طلق صناعي لانة الرحم مصكوك طلعت على مسوليتي ورحت عن طبيب اطفال انابيب بمستشفى خاص وقالولي خلاص ماكوا امل واستخرت وقلت الله يعوضي ودخلت غرفة الولادة وحطلي طلق صناعي وتميت اطلق من 9الصبح لين 9 مساء طبعا مع الطلق بين الحبل السري دخل ايدة واسحبة ووقف النبض والله احس انة ووقفت روحي وتميت اطلق لين بليل قال راح ادخلها عمليات بس عطني مهلة لكن طلع الحمدلله واطلع الجنين طلع ولد معنة قايلتيلي بنت وكان كامل سبحانة الله انا قمت ابكي وتعبانة حطلي مخدر طبعا اختي تقول انا دشيت عليج اشوف مثل اللحم المفروم بجمبك طلعت المشيمة انفجرت وهو قاعد يقص بالمقص تقول اختي اقولة شنو هذا يقول باقي المشيمة
حسيت بشي راح مني قطة من جوفي ويوم نزل الماي بيوم تحرك بطني احس والله اهو راح ودنيتي كلها راحت معاة تمنيت احضنة والعب معاة تمنيت ينام بحظني لاني شفتة وحسيت فية صار اليوم اللي بعدة وكل هذا زوجي مو معاي وماشاف ولدة وماحس فية خذوة ودفنوا ووقرت ابدي حياتي من جديد وبعدها باسبوعين راجعت الدكتور قالي لازم تنظيفات لانة في بقايا مشيمة سويت التنظيفات وعقبها ماجتني الدورة اربع اشهر رحت كل مكان مايدرون شنو فيني اخر شي طلع انة الدكتورة الي مسويلي تنظيفات شايل بطانة الرحم كلها ومافي لحم علشان جذي ماتنزل الدورة وقمت اعالجها وسويت حقن مرة ثانية عند نفس الدكتور مانجحت و غيرت الدكتور سويتها اللحين شهر 3 وانزلت الدورة من خمس ايام طبعا انا تعبانة نفسيا تعبانة من الابر كل انواع الابر هيبارين وغيرها وادوية ولما انزلت الدورة وزوجي ذابحني ماياكل مقويات ولا خلاطات ولا شي مايساعدني كلش وانا عقب كل الادوية مرضت صار فيني فتاك وماانام من عوار كليتي مكان الانبوب الماي وغير جسمي تعبان والله احس كل شي فيني يعورني والناس تعبت منهم اللي تكون حامل ماتقولي عبالها بحسدها حتى زوجة اخوي ماقالت تحسب اني بحسدها واذا زرت احد تكون والده تحسب اني بحسد ولدها ولا بنتها والله تعبت من كل شي صايرة حساسة من كل شي سامحوني اني قتللكم شنو فيني انا صايرلي فترة متابعتكم والله وقلت انتوا اكيد تحسون فيني لانة مايحس بالشي الا الي فاقدة لكن الحمدلله على كل شي :(