فيه عندي كم طبق مسويته للغداء ومصورته فقلت انزله لكم :
اولا: فيليه السمك بالخضار:
تقطعي البصل شرائح معه الفلفل الرومي و تشوحيها على النار بشكل سريع مع الثوم المطحون ثم تضيف لها الخضار اللي تحبي انا حطيت بطاطس وجزر ، ثم تتبليه ببهرات مشكلة وملح وفلفل اسود وكزبرة ناشفة وخليها على النار الى ان تقطعي السمك وتتبليه ثم تطفي عليه وتحطيه كله طبقة وحدة في صينية الفرن هو ماراح يستوي بس تشويح سريع :
تقطعي السمك قطع متوسطة ثم نتبله بملح وفلفل اسود وصويا صوص وزيت زيتون :
ثم تصفي السمك على الخضار في الصينية كطبقة ثانية :
ثم نغطيه بقصدير وندخله الفرن من تحت الى ان يستوي تقريبا ثلث ساعة حسب فرنك وبعدين ارفعي القصدير وخليه شوي ينشف مويته اذا مو حابتها او ممكن مباشرة تحمريها من فوق وبس اذا تبغي فيها مرقه :
ثم قدميها مع رز او تأكليها بالخبز:
يتبع
تقطعي الدجاج قطع متوسطة تقريبا بعد ما تشيلي الجلد وتنظفيها بماء وملح وخل ، وتحطيها في قدر او صحن كبير وعميق ، تقطعي عليها بصل كبير وفلفل بارد وطماطم كلها جوانح ثم الخضار اللي تحبي ، ثم تتبليها بـ: ملح ، فلفل اسود مطحون ، كزبرة ناشفة ، بهارات مطحونة ، زنجبيل مطحون ، زعتر بري ، زيت زيتون ، صويا صوص ، فلفل احمر حلو ، خردل وتكثري منه شوي .... تلبسي قفاز وتخلطيها زين بيدك ، ثم تشيلي بيدك وتصفيها في صينية الفرن بحيث انك تشيلي البصل والخضار بدون الدجاج وتحطيه طبقة تحت ثم تصفي الدجاج عليها ثم تصبي باقي الخلطة على الدجاج من فوق :
ثم تقصدريها زين وتدخليها الفرن من تحت وتتركيها تقريبا ساعة ثم تشيلي القصدير وتحمري من فوق:
ثم تقدميها مع الرز او الخبز :
يتبع