السلام عليكم ورحمه الله وبركاته
اتمنى ان الجميع بخير وصحه وعافيه ....
كل وحده فينا اما ان تكون زوجة اخ او لها مرت اخو ...
انا متزوجه وساكنه بالقرب من اهل زوجي والحمدلله اقوم بزيارتهم بشكل يومي او يوم ورا يوم مع ان خالتي لديها
مشاغلها لكن احاول ان اقوم ولو بالسلام عليها على الاقل ...
اعتبرها في مكانه امي الله يحفظها لي ويعطيها طولة العمر يارب
للاسف الشديد عندما اقارن بين حالتي وحالات حريم اخواني يضيق صدري
امي امرأه حنونه جدا وتحب الخير للجميع ولله الحمد اخواني كذلك ... لكن زوجاتهم لايقومون بزيارتها بشكل دائم
يوم الاربعاء كنت معزومه واختي الكبيره معزومه .. انا اعتذرت لاني امي بتجلس لحالها
رحمتها كنت خايفه محد يجيها وبتمل
رحت لها وانبسطت والحمد لله دقو اخواني يسلمون كانو مرتبطين اللي بعزيمه واللي بدوام
قالت لي امي ودي لو نتجمع كل اسبوع نشوف بعض واشوف عيالي (احفادها) ياكافي فلانه وفلانه ماشفتهم ولاسمعت صوتهم من شهر وكلنا ساكنين بالرياض ولاهم موظفات او تعبانات
بعض الاحيان تسال اخواني يردون بردود سخيفه اللي يجي يجي والا جبنا اللي جهز والا وسعي صدرك (استغرب انها ارسلت كل الاطفال وجهزتهم مابقى الاهي ياليتها جت يعني وش بيضرها )
المشكله اذا جت لاها مبسوطه ومافي احسن منها منطلقه بالسوالف واذا غابت غابت
انا اذا شفت اخواني اسالهم عن العيال واقول مشتاقين وينهم خلونا نشوفهم ومع ذلك الحين كملنا شهر وماشفناهم
الله يهديهم اكيد ان الكل يعرف صله الرحم وعارف حق ام الزوج بغض النظر على من قال ان حقها على ولدها وان مرة الولد ماعليها شي
ماتقدر تجي طيب اتصال معقوله شهر كامل ماجلستي دقيقه فيه فاضيه قلتي اسلم عليها ....
بتقولون لي ليش ماتبينون لهم والله انا طبيعتي مااحب افرض رأيي على احد يعني اخواني اكبر مني واقولهم دايم مشتاقين لعيالكم خلونا نشوفهم ومن هالحكي اما اني ادق على مرة اخوي واقول ليش ماتجين وش فيك علينا او اعاتبها مااحب هالشئ
حبيت انصح كل انسانه انها تبر بامها وام زوجها انتي ادي اللي عليك واحسني النيه ولاتفعلين شيئا وانتي تقولين في نفسك عشان زوجي يحبني اكثر افعلي الشئ لله خالصا له
اهديها كل شهر حتى لو اشياء بسيطه طرحه والا شيله والا قطعه قماش
واذا بينكم مشاكل حاولي انك تبدين صفحه جديده انتي ماترضين بكره مرة ولدك تقاطعك هي وعيالها
اسال الله لنا ولكم الهداية وان يسخر لنا جنود السموات والارض
تفاحة العافيه @tfah_alaaafyh
عضوة نشيطة
يلزم عليك تسجيل الدخول أولًا لكتابة تعليق.
حياة العنى
•
الله يجزاك خير على هالموضوع وياكثر هالاشياء اللي تصير في هالمجتمعات والله اني اتضايق منها الله يهدي اخوانا وخواتنا للبر باابائهم وامهاتم ويرزقنا برهم ويرضى علينا وعليهم ويدخلهم جناته
اختي حياه العنى وياك يارب والله يتقبل منا ومنك
كل الحلا عندي مشكوره اختي على مرورك
اليوم الجمعه يااخوات دقوا سلمو على اهاليكم
كل الحلا عندي مشكوره اختي على مرورك
اليوم الجمعه يااخوات دقوا سلمو على اهاليكم
الصفحة الأخيرة