ويقولون تربيه وتعليم ...تعالوا شوفوا اخلاق هالمعلمه؟؟؟

يابنات انا بنفجر والله ...
كلنا ندري ان التعليم عندنا ماشي على البركه ...
وانا مقتنعه كليا ان المسأله حظ ...ياحظ بنتك يطيحك بمعلمه ممتازه ..او حظها يقردها بمعلمه (....)!!!
والله اني ارحم هالبنات يستحملون عقد (بعض) المعلمات!!!
صراخ وتهزيء والفاظ زي وجيههم<<<انا اقصد البعض وترا الشر يعم...
اليوم بنتي قالت لي موقف من جد اتنرررررررررفزت ...مدري ادعي على هالمعلمه ؟؟
تخيلوا هالترم جت بنت جديده لصف بنتي ...(ابتدائي)
وجت معها معلمه وقفت عند باب الصف ..وقالت :شوفوووووووووووووووا ترا هذي بنت اخوي ...والله اللي تتعرض لها لتشوف شي عمرها ماشافته!!!لااحد يضايقها!!!
المهم ...هذا اول الترم ..
اليوم جتني بنتي متخرعه وتقول ياماما...اليوم البنت اللي تقرب للمعلمه تحرشت ببنت ثانيه بالصف(ضربتها) ..طبعا البنت الثانيه ردت عليها الضربه ...زي اللي يحصل بين كل الاطفال ...!!
قامت البنت اللي تقرب للمعلمه راحت للمعلمه قريبتها...وقالت لها ...وتجيك هذيييييييك بشرها للصف اللي فيه البنت(صف بنتي)وتناديها وتعطيها كف بالكتاب اللي بيدها على وجهها!!!!!!!متخيلييييييييييييييييييييين؟؟؟
وقالت لها انا موقايله لحد يتعرض لها<<<تقول لها الكلام هذا وهي ماسكتها من ثيابها حسبي الله عليها ...وبعدين رمتها رمي على طاولتها ...وهي تقول :هالكلام موجه للجميع ...ياويله اللي يتعرض لها...

متخيلين ؟؟
والله انه دمي غلى ...
حتى بنتي تقول اصلا قريبه المعلمه هي اللي باديه ...والبنت اللي ضربتها لمعلمه مسكينه وماتتكلم وهاديه ..
مالت على كل معلمه كذا ..
امحق تربيه وتعليم ...
يعلمون البنات على الواسطات وان اللي له ظهر فوق القانون ؟؟
حتى ماكلفت على نفسها تسال البنات وش صاير ؟؟؟
ضرب في بنات الناس ؟؟؟ليه مدرسه ابوك هي ؟؟
حسبي الله على كل معلمه تستغل مكانها لمصلحتها ...مااقول الا حسبي الله عليها ...
والله اني مااعرف البنت بس فعلا دمي غلى وانا اسمع السالفه ....ودمي غلى اكثر يوم بنتي قالت اشوا اني ماكلمت هالبنت ...
حسبي الله ونعم الوكيل ...
اتمنى لو اني اعرف الام كان اتصلت فيها عشان ماتسكت عن حق بنتها ...
المفروض المعلمه اللي مالها مزاج تدرس وماتستحمل الازعاج تقعد ببيتها اصرف لها ...مو ترمي بشرها على بنات خلق الله وتطلع لنا جيل مهزوز الثقه كله عقد ....
حسبي الله ونعم الوكيل فيها