وين إلي بسافرون تركيا هالصيف وش خططكم؟؟؟؟؟

وينكم

ماحد معطينا وجه يابريق ألماس ؟؟؟؟؟؟؟؟؟
ياليت أحد يرد

انا معكم بروح تركيا ..............انتظر ارائكم بس لا ناويه اصبغ ولا اذبح عمري باسواقهم......رحلة استجمام بس........كل شي باسواقنا وارخص من غيرها عن تجربه

وي أغير شكلي ياحلوة لأني سويت ريجيم وبسافر قلت مرة وحدة ؟؟ وصح اللبس أحلى شي عندنا بس يمكن نلقى شي مميز .........
إلا أقول متى بتسافرين ليكون بنفس الرحلة......

رحت لتركيا قبل سنتين وبصراحه انبسطنا فيها عندك اسطنبول العاصمه فيها مسجد آيا صوفي روعه تدخلين بتذكره ومن جوا اتفرجي على العماره القديمه وفيه متحف يضم اشياء قديمه مثل ورقه مكتوبه بخط الرسول صلى الله عليه وسلم وبرده (لباس)لعمر بن الخطاب رضي الله عنه وهكذا ويبهرك الموجود مثل غرفة نوم لأحد الاشخاص التاريخيين, وطريقه البناء.. فتحسين انك رحتي لعالم ثاني
وفيه جنب المسجد محلات صغيره تبيع تذكارات حلوه ,وفيه عندهم مجمعات كبيره مثل اللي عندنا وفيها مطاعم الوجبات السريعه واسعارهم زينا,وفيه سوق قديم مشهور عندهم اسمه(المسقف) جاي على شكل اسياب عريضه وفيه مختلف البضائع والشنط فيه حلوه خاصه الجلد والشمواه , وفيه سوق ثاني عباره عن محلات كثيره على شارع طويل ويقطعه بالنص سكه قطار وفيه اكشاك اكسوار وعطور ومحلات اكل وايسكريم ويوم الاحد يصير زحمه يعني اللي يحب يتفرج على العالم يروح الاحد واسم الشارع(تقسيم)وبالعربي (شارع الاستقلال).

وبعدين رحنا بورصه والحلو فيها الطبيعه يأخذونك برحله على الجبل بالتلفريك وفيه استراحه بالنص تنزلين خضار وطبيعه ساحره بعدين تكملين للجبل (برد مره) بس لاتخافين مليان محلات بالجبل تبيع شالات طويله صوف وتلقين مطاعم -اكلهم روعه-والحلو حاطين لك جلسات تحت الشجروكل جلسه فيها شوايه وتشترين الحم متبل وتشوينه بنفسك..
وفيه شلالات الجبل الاخضر فيها مياه عذبه,
ورحنا لجزيره الاميرات وهي قريبه من اسطنبول والحلو ان مايستخدمون فيها سيارات بس احصنه او عربات تجرها الاحصنه طبعا راح تأخذين لفه بالعربه وتطلعين لقمه الجزيره المنظر روعه الخضره مع البحر والجو نقي مافيه تلوث..
والحلو في تركيا انك تلقين السياح من كل دول العالم هناك عرب واوربيين ويابانيين ...
وعن معاملتهم اذا كان معك مرشد مالك دخل بأحد وحنا الحمد لله ماشفنا شي غريب او معامله غير عن الدول الثانيه..
واذا تذكرت شي ثاني ابرجع اكتب لكم