بسم الله الرحمن الرحيم
السلام عليكم ورحمة الله وبركاته
معليش غالياتي مالقيت قسم كثير المشاهده مثل هالقسم
فقلت احط لكم المشكله الي عندي
علشان ان شاء الله احصل منكم تجاوب
انا ياطويلات العمر
ولدي عمره ثلاث سنوات وثلاث شهور
عنده الخصيه اليسرى ما نزلت من الولاده
المشكله انه من يوم انولد وديته دكتور يوم الطهار (الختان) فسألته عنها قالي : معليش تنزل ان شاء الله لصار عمره ثمان شهور
ومانزلت ، وبعدين وديته لما صار عمره سنه لدكتور ثاني وقالي عادي اصبري لما يصير عمره سنتين وتنزل طبيعي وما نزلت ، والحين الاسبوع الي طاف تعب علي ولدي حراره واستفراغ وانتم بكرامه ووديته لدكتور علشان الحراره فسألته عنها ، وفحصها ياخواتي وروعني قالنا ليش ساكتين عليه لها الوقت وهذا الشي مو زين علشانه ولاتنتظرون ودوه لاخصائي جراحه باقرب فرصه علشان يسوي له اشعه اذا كانت قريبه ومانزلت يسويله عمليه بسيطه ينزلها واذا كانت في تجويف البطن لازم يسوي عمليه ثانيه لها وانا والله ياخواتي مادري وين اوديه اي مستشفى هو الدكتور يقول وديه للشميسي علشان اطبائه اكفاء ومعروفين بس يقول المواعيد عندهم بالشهور والله ياخواتي من يومها وانا احاتيه محاتى لاني والله خايفه على ولدي ولا ادري وين اروح ولا اي مستشفى زين اوديه له انا بالرياض
الله يخليكم اذا وحده قد مر عليها مثل هالحاله او سمعت تريحني وتشور علي:44:
معليش طولت عليكم بس والله انا متابعه لعالمي حواء من بعيد ما اشارك بس من قالي الدكتور هالكلام قلت استشيركم:(
الله يجزاكم خير
اختكم ملاف الريم
يلزم عليك تسجيل الدخول أولًا لكتابة تعليق.
روائع الاسحار
•
اب لعيونك
الحاله بسيطه ولله الحمد وكثير تصير
ومثل ما قال وديه للشميسي افضل وممكن عن طريق العيادات المسائيه (بالشميسي ) الي بفلوس اذا مستعجله
الله يشفيه ويخليه لك
ومثل ما قال وديه للشميسي افضل وممكن عن طريق العيادات المسائيه (بالشميسي ) الي بفلوس اذا مستعجله
الله يشفيه ويخليه لك
الصفحة الأخيرة