وين المشكله فيني ولا في زوجي ولا اهله؟ ( تعببت ربي يفرجها😭)

السلام عليكم ورحمة الله
صباح الخير ..
اولا دعواتكم ربي يفرجها علي ويدلني للصواب ... عاجلا غير اجل
ويرضيني بما قسم لي ( ولا يبتليني😭 )
يمكن اكثركم تعرف قصة حياتي
لي معكم سنييين .
زوجي عصبي ( كثيير اللغو )
فيه الصفات الزينه والشينه ، صفات تمشي صفات ( الحمدلله )
اهله اتعبوني معه امه ، خواته كرهوني بالطلعات معهم والتعايش معهم
ماخذينه سخريه واستهزاء على كل كلمه ..
حتى وهو يكلم خوياه جوال ( يمسكون عليه كلام ويتمسخرون ويستهزئون ويضحكون وكل شوي يكررونها
حتى في غيابه يقولون عنه خبل ويضحكون
لا اقدر ادافع عن ولدهم والسكوت قتلني
ماادري هم صح ولا انا


امس مسويه قهوه وشاي وفطاير وحلى
ورحنا كشته
نزلنا كلنا رفض انزل الاغراض من السياره
قال خليها لين اجي
خليتها ونزلنا قلت معه حق مايبي البزران يحوسونها لين يجي هو واخوه


من مزلنا وامه تسال عنها هاه وين الفطاير اللي تقولين
قلت رفض انزلها لين يجي هو
قعدو يضحكون ويقولون عنه خبل 😒
( اسوي نفسي بارده ماهمني لان اشك يستفزوني !! منقهرين لان مدلعني ويخاف علي من كل شي !! )

بنات ودي اقاطعهم وارتاح جزئياً من ضغوطهم
ولا اقدر لان راح يسبوني واني مقصرة معهم
ويلحقني العيب😔 اخاف على سمعتي وسمعة اهلي وتربيتنا
.
الناس مايدرون هم جبروني على كذا !!
بالذات قرايبهم وجيرانا كل مااروح يسالوني عنهم
وش اقول ؟! اقول ماادري عنهم ماجيتهم؟!
حنا من عوايدنا الترابط وزوجة الابن زي بنتهم
ويمدحون اللي البيت مسئوليتها واهل الزوج


احتررت ماابي اعيش على كذا !! ابي اتخذ قرار سليم
واعيش حياتي براحه وافضل مااستطيع


والله اني صرت اتمنى موت زوجي وابعد عن الهم
لان مااقدر اتركه ارحمه واشفق عليه💔😭
يتقطع قلبي عليه
وادعي دايم ربي يقوي شخصيته ويعزة


- اسفه اذا اطلت 😔) ربي يفرجها علي وعلى كل مهموم -
واي سوال انا جاهزه لعل في طرحكم البركه والفايده