ويه يابنات تخيلن صار لي موقف لا يحمد عقباه .>>>صح ولا لا
من وين ابدى ولا وش أقول مع لسانس العوج اللي مايتعدل
طبن معي بالموقف
مره جانا عمي واهله وامي الله يطول بعمرها سوت العشاء مطازيز
عاد انا من زود القرامه قلت ابودي عشاء الرجال وطبعا كلهم محارمي واجي مناك افحط واتحوقص بالسفره وابفرشها عشان اجيب الصحن
جا عمي الله يهديه
يسألني وشو عشاكم آنسه ريلاكس
أنا وبكل فخر أرد والخشه وش كبرها من التبوسم
طــومـاطـــيـــز
مادريت الا يضحكون بصوت عالي وانا اضحك وش فيكم قالو وش العشاء وانا نفس الخشه باقي ماتسكرت طـــــــومــــــــــاطيــــــــــز ومانتبهت الا منهم وبغيت اذبح نفسي من الغباء
ياربي متى يتعدل لساني
وبنته >>>>>>>>حاقده عليه
اباخذ حقي واعلم على بنته >.>>>>قالت يوووه جونا حر وبرووووووووووطه (رطوبه) واحنا متنا ضحك والا الحين ماسكينها
يالله كل وحده تقول لنا موقفها مع لسانها الاعوج
آنسه ريلاكس بأنتظاركم ولا تحط الحره فيكم :hahaha:
ان شاء الله اذا ذكرت موقف بارجع