ياااااعالم ساعدوني انا صح واللي حولي خطا ولاهم صح وانا لحالي خطا

بسم الله الرحمن الرحيم


انا وصلت لمرحله ماعدت ادري انا صح ولا خطا
بدخل في الموضوع على طول
اخوي الله يهديه ماخلا بنت من العايله ماكلمها وهم مادري وش فيهم مهبل يصدقونه
كلم وحده وبعد فتره يمكن سنتين او اكثر اكتشف ان اللي يسويه حرام او مدري وش جاه يمكن طفش منها المهم تركها
وقبل فتره كان يبي يخطبها لكن سمع انها صارت تكلم غيره وشال الفكره من راسه تماما
المهم الحين قاعد يكلم وحده ثانيه من العايله ويعنني تفاهمو على كل شي وكلم امي وابوي وقال يبغى يخطبها طبعا امي وابوي فرحو
والمشكله الكبيره ان امي تدري عن علاقاته ومكالماته ولا تقوله شي اقولها حرام مايجوز تقول عادي خليهم يتعرفون على بعض امي مدري وش فيها صايره فري
وتقول اخوك مافيه مثله مايبغى يلعب ببنات الناس بس يبغى يتعرفون على بعض قبل الزواج
قلت لامي واختي لو تدرين انها تكلم واحد قالت اذا بيتعرفون على بعض عادي
انا خنقتني العبره احس امي متساهله بزياده عن اللزوم وماتدري عن شي
اقولها حرام تقول لا
ياعالم وش اسوي انا صح ولا خطا
ماعمري فكرت انزل موضوع استشير حد بس احس ان اهلي كلهم غير تفكيري
بالله عليكم تكلمو جد خلوني ارتاح تعبت
انتم وش رايكم في الموضوع بكل صررررراااااااااحه
واللي عندهاا ادله ولا شي تنزلها عشان اوريها امي
انتظركم