يااااحظ البنت اللي ما تنخطب مرة وحدة ماشاءالله تبارك الله/ تم

هــلا يابنات وش أخباركم ان شاءالله بخيـــــــــــــر ؟؟

طبعا مثل ماهو واضح من موضوعي صرت والله أغبط البنت اللي ماحد يتكلم فيها ولا تنخطب ع الأقل مرتااحة نفسيا ويمكن في يوم وليلة ربي يوفقها وتتسهل أمورها في طرف عين أكثر من اللي متعسررة أمورها مثلي تنخطب وتفرح وتخطط وتتأمل خيــــر وبالنهاية عند أي خطوة من خطوات الخطبة يتوقف كل شي ولا يتم ..!
الأمر بكل تأكيد خيـــرة من الله سبحانه والحمدلله على كل حـــال لكن والله مؤؤؤؤؤؤلم ويكسررر القلب ..
والله ولاااا هو مدح لنفسي من كلام الناس عني اني الحمدلله جميلة صح مو ملكة جمال لكن فيني مقومات جمال كثيرة الحمدلله وعلى رأسها الأخلاق ومحافظة على ديني ومن عائلة معروفة وطيبة وجامعيـة وعمري حاليا 28 بدوون مبالغة والله من عمري 16 وانا أتخطب يعني تقريبا من 12 سنة وأكثر ويعجبوون فيني الحريم والرجال طبعا يتقدمون رسمي وأسمع من كلامهم احنا شارينكم و و و و ..... لكن بعد الشوووفة !!!
يطيــــر عريس الغفلة !
المرة الأولى قلت اختلاف الأذواق ويمكن هذا الشكل من البنات ما يعجبه " الناعمة نحيفة قصيرة شوي "
قلت يمكن يعجبه الطويلة المليانة أو أو ...
الثاني نفس الشي قلت يمكن روحي ما تقبلها مو المسألة شكل وبس ..
الثالث ........

اللي وصلت للشوفة تقريبا أربع مرات وما يصير نصيب أما الباقي بعد السؤال عنه نعتذر احنا أو مايصير فيه توافق بين الطرفين من حيث الصفات من البداية أو أو ..... تتعدد الأسباب

لكن اللي مضيق صدري الخطبات اللي وصلت الأمور فيها للنهاااية مرررة وبعد الشوفة مايصير نصيب مع انه والله في كل مرة تتصل أمه أو أهله ومرررة زعلانين وكان والله ودنا بنصيب معكم وماندري ليه ما ارتاح الولد وبعد الاستخارة يعتذر يعني حتى أهله يكونون في صفي ضده لكن الحمدلله على كل حال ..

شكيت ان فيني عيـن أو حسد وهذا انا أرقي نفسي .. أغلب البنات اللي بعمري أم لولدين ثلاثة ماشاءالله تبارك الله ربي يهنيهم ويسعدهم ويصبرني على هذا الابتلاء ..

دعواااتكم خواتي :confused: