ياامهات ياخبيرات عيالي جنوني

السلام عليكم خواتي كيفكم وكيف عيالكم ان شاء الله انكم بخير وعافيه
يابنات بدخل فالموضوع على طول انا عندي توم خدج جبتهم باول 5ايام من الثامن صحتهم زينه الحمدلله وعمرهم الان 5شهور الااسبوع
طبعا متبهذله معهم لابعدحدتتخيلونه يعني نظامي من طلعتهم من الحضانه كالتالي"
اواصل معهم لين تصحى الخدامه الساعه 7واخليها تخلص شغل البيت لين 9تقريبا بعدين تاخذهم مني واروح انا انام لين خمس تقريباطبعا نفسيتي تعبت بسبت هالنظام ومااقدر انام فالغرفه مع زوجي ايضا بسبت هالنظام
واقعد معهم لين اليوم الثاني وهكذا
هم اذا صاحين حليوين ويحبون اللعب وزي كذا
نجي للمشكله انهم ينامون طول النهار يعني مثلا يصحون ساعه اوساعه ونص بالكثير ويرجعون ينامون ويصحون وهكذا لين الساعه 10يبدون يصحصحون من جديد ويلعبون لين 1او2 ويبدء هنا العذاب اليومي وهو ان ولدي الله يصلحه يارب كل يوم يبكيني معه لاجايبي ينام فالليل يعني النومه العميقه خلاص اللي مايصحى بعدها الااليوم الثاني العصر يقعد يصيح بشكل هستيري ادور فيه البيت واضمه واهزه ولاكاني اسوي شي لين يدوخ هو ويرضى ينام من نفسه المشكله انه يكون نعسان يعيني ينعس وانا ادور فيه ويرجع يصحى ويصيييييح لين يقوم ابوه من النوم ويقعد يكمل هز معي وهكذا اقل شي ساعتين لين ينام لدرجة ماعاد اقدر ارغير لاخته ولاارضعها الضعيفه بسبته وعلى هالحال من شهر تقريبا الله يصلحه يعني لاجاينام يجيه ارق وصياح بدون سبب امابنتي تصيح شوي واهزها شوي وماتخالف تنام
بتقولون ليش ماتقومينهم النهار والله عجزت فيهم مايقومون ولاقامو بالقوه يقعدون يصيحون ويبون ينامون ولاانومهم وغصب عني ينمون انفسهم بانفسهم مع اني العبهم واشغلهم اناشيد عشان يصحصحون ولافيه فاييده والله مالقاها الاالخدامه طول النهار هم نايمين وهي مغير تفرج على التلفزيون لني مانعتها تحرك من عندهم وانا نايمه
قولولي وش الحل انا خلاص مليت من هالوضع وزوجي المسكين طفش مو قادر ينام الليل من صياحه مع انه يشغل المكيف بعد علشان الصوت
كيف اقدر اعدل نومهم بلييييز
فكرت يابنات اني اخلي ولدي عندي مع الخدامه مدة شهرين لين يكبر ويعقل انا مااقدر عليهم مع بعض والله ماتوقعت حياتي بتكون كذا مع اني اني انا اللي قعدت سنين انتظر هالعيال لين ربي رزقني فيهم
والحمدلله من قبل وبعد
ادعولي تكفون ان الله يصلحهم ويهديهم