قصة شباب صايرة لهم يقولون
قبل اسبوع كنا نهيلج بالسياره في ضواحي الحسا
و احنا نتمشى لمحنا بقاله و قلنا هالبقاله مب مرتاحين لها اكيد فيها شي من شكلها
و بالفعل وقفنا السياره و دخلناها و شفنا شي لا تحمد عقباه شفنا الهوايل والبلاوي
طبعا هالمنتجات اللي شفناها مب متوفره الا في امريكاااا فقط
و مب موجوده في السعوديه الا في 3 اماكن بس
في الرياض و الخبر و هالبقاله بس
حتى البحرين ما فيها
و سئلنا راعي البقاله شلون يجيبهم قالنا يطلبهم عن طريق النت من امريكا و يقول ان الشغله مب سهله و فيها تعب شوي
بس اسعارها شوي غاليه
يعني مثلا التوكس والكت كات و الباونتي على 7 اريل و 6 و 5
و ما ينلاااام اذا انها مب متوفره و لازم يحسب قيمة الشحن بعد
هاكم كحلوا عيونكم
يميييي
v
v
v
الرولو يبيع نوعين شي مستورد و شي من امريكا و بنفس السعر و الطعم تقريبا واحد
الكت كات عنده نوعين شي ب4 اريل و شي بريالين
طبعا بواربعه الامريكي بوقصدير و طعمه احلى
و الحلاوة اللي جنها بكتيريا احمر و بنفسجي قيمتها 7 اريل بس رهيييبه
الاحمر احلى حامض
طبعا الكوكا و السفن اللي على كرز جربتهم حليوين و الكوكا احلى شوي
العلبه ب5 ريال
طبعا الحلاوة شكل الموزه و الافندي قديمه حيل و جاوا بنات قالوا له جبها و جابها يقول بالموت و الهلاك حصلها