يابنات امانه لو انتم في موقفي وش تسوون؟؟

السلام عليكم ورحمه الله وبركات

بصراحه موقف صار معي ولا ادري تصرفي كان صحيح او لا من قبل 14 سنه ايام الثانويه تعرفت على واحده من البنات وصارت صديقتي ودخلنا الكليه سواء المهم وتمر الايام وبعد اربع سنوات تنقل من المنطقه اللي انا فيه بس ما زال فيه اتصالات بيني وبينها بس في الفترة الاخيرة ما صارت تتصل ولا تسأل الا في النادر جدا جدا يعني ماتتصل الا لمصلحه

المهم من قبل فترة اتصلت فيني قالت لي انها قدمت في الجامعه وطلبوا منها شهاده حسن السيرة والسلوك وتقول انها مضيعتها ما تدري وينها المهم واتفاجأت بأتصاالها تقول لي انا متخرجه من المنطقه اللي انتي فيها قلت خلاص بحاول اتصل على الثانويه وأسألهم او اروح بنفسي وأسألك اتصلت في الثانويه واستفسرت قالوا لي ما تلاقيها عندنا تروح لمكتب الاشراف التربوي في نفس المنطقه اللي تخرجت منها وممكن تلاقيها المهم هي من وراي راحت واتصلت طبعا ما صدقت كلامي وقالوا لها نفس الكلام شوي كذا الا ترسل على جوالي رساله تقول فيها<< أرسلي لي شهاده حسن السيرة والسلوك حقتك في فاكس بسرعه لا تتأخرين ما فيه وقت بينتهي التسجيل؟؟

انا تفاجأت بالرساله واستغربت قمت ارسلت لها رساله وش بتستفيدين من شهادتي؟؟
قالت : بسوي مثلها بالضبط!! يعني بالفم المليان تزوووووووووووووير

قمت أرسلت لها رساله "" التزوير حرام "" تبيعين دينك عشان دنياك !!

أرسلت لي رساله أرسليها بسرعه ما فيه وقت للكلام ؟؟

أرسلت لها آسفه ما اقدر اخدمك !!

يابنات امانه لو انتم في موقفي أش راح تسوون وهل انا غلطانه او لا؟؟


ودمتم