يابنات تعالو انصحوني احس اني بسوي مصيييييييييبه

مرحبا بنات بحكي لكم قصتي باختصار
مثل ماكلكم عارفين الحين فترة صيف والكل مسافر برى المملكه
وانا كل ماقلت لزوجي خل نسافر قال لي ماعندي فلوس
المهم لمن شافني متضايقه وعدني انه يسفرني دبي في الحج
لاحظو وعدني وقال باذن الله نروح دبي الحج
وطبعا اختكم بالله مشفوحه ماعمرها طلعت برى المملكه
مابقت احد ماقالت له
وجلست ابحث في النت واشوف دبي واقول بروح المكان الفلاني
واليوم قاعد يشكي لي الحال وانه فلوسه كلها راحت في السياره تظليل وخرابيط
قلت له كيف بنسافر وانت ماعندك
تخيلوا وش قال لي؟؟؟؟؟؟؟؟؟
قال اي سفره مجنونه انتي من وين اسفرك
المشكله يابنات خلص فلوسه كلها على هالسياره
اختي الله يهنيها زوجها بيسفرها اوروبا مع انه وضيفتع نفس وظيفه زوجي
بس ماشاء الله عليه مو اناني زي زوجي اهم شي سيارته
انا الحين مقهوووووووره منه ليه يعشمني
هذا وهي انا طالبه دبي مو مكان بعيد
وكل شوي اتهاوش معه بسالفه السفره وانه عشمني عالفاضي
طبعا هو ساكت لاتعليق
بس بعدين عصب وقال ترى طفح الكيل معك
وانا قاعده احاول اسكت واطنش
بس مو قادره احسه قاهرني لازم كل شوي اقط عليه كلمه
والمشكله بكره بنسافر لاهله
طبعا هناك ماعندي الا غرفه
حتى حمام خاص ماعندي
واحس اني بخربها هناك اخاف اسوي مشكله
لاني عند اهله ابد ما ارتاح وزياده سالفة السفر
بنات ابي اسكت ابي انطم بالطقاق عساه مايوديني
بس لساني يابنات سليط واخاف اسوي مشكله عند اهله
انصحوني وش اسوي عشان اطفي ناري منه