يابنات طالبتكم ادخلو موضوعي

السلام عليكم ورحمة الله وبركاته


يمكن ماراح تحصلون موضوعي مترابط لاني اكتب لكم وانا بحاله الله يعلم فيها

ماراح الف او ادور ابدخل بالموضوع على طوووووووووووول وانتم احكمو بانفسكم

وان كنت انا غلطانه انصحوني


انا من فتره صايره ما احب اروح لاهلي وان رحت يكون وجودي مثل عدمه

صرت اطلع حجج كله بس علشان ما اروح

احس دايم ضايق صدري مافيه احد يسمع لي

صديقتي الي كانت تسمع لي بعد ما انخطبت تغيرت180 درجه

ماراح اذكر مواقف بعيده لا بقول لكم اخر موقف يوم شفته بعد الاجازه

تخيلو يابنات اول كانت تدور ع الاوقات الي نكون فيها فاضين الحين لا


تخيلو يوم الاثنين جالسه مع بنات ولا معبرتني

وتشوفني جالسه لحالي وباين علي اني متضايقه من حركتها

ولا كلمتني انا سكتت ويوم شفت السالفه مطوله قمت اشوف جدولي

هذا موقف ....

الموقف الثاني:

كان هي عندها محاضره وانا لا

المهم جالسين البنات سواليف ووناسه

استاذنت من الاستاذه وجت عندنا تحسبونها جايه علشاني لا للاسف

جلست بجنب وحده من البنات وجلسو سوالف مع بعض تقريبا ربع ساعه

وقامت بترجع للقاعه بدون حتى ما تكلمني


يابنات الله يخليكم انصحوني وش الاسلوب الصح الي المفروض اعاملها فيه

والله مع كل الي تسويه معي ماتغير غلاها في قلبي بس ضايق خلقي

ولا ابي اقول لها لان الي فيها مكفيها ومابي ازود عليها

هاه يابنات وش رايكم

والي ماعندها حل

تدعي لي ان الله يحنن قلبها علي ويرزقني بزوج ينسيني كل الي فيني


والله يابنات اني اكتب لكم ودموعي على خدي