لولو&سوسو @loloampsoso

عضوة جديدة

يابنات وش الحل ببنتي ؟؟!!!! والله تعبت تعبت تعبت من سالفة الحفاظة

عمرها سنتين ونص

ذكية بسم الله عليها ولماااااحة ماشاء الله تبارك الله

لكن بهالموضوع عجزت عليها

كل شي جربته

المكافئة ولوحة النجوم والحلويات والكرسي الخاص ووريتها مقطع عن تعليم المرحاض في اليوتيوب "شوفوه تراه مفيد" بس أنا مافاد ببنتي

تحبه وتغثني عشان تشوفه بس ماتطبق

جربت الطق الخفيف ع اليد والعقاب والحرمان من الحلاوة تصيح شوي وإذا جا عقب شوي لقيتها مسويتها

صار لي معها شهرين وأنا أعلمها مافيه أي تحسن

عمرها ماقد طلبت مني أوديها للحمام

وإذا مسكتها عشان أوديها قعدت تصيح تقول مافيه وإذا غصبتها تسويها

يعني شكلها ماتحس إنها محتاجة

وإذا سوتها جت عندي تقول غيري

وأحيانا ماتجي وتقعد تحوس لين نشم الريحة

مدري مافهمت مدري تستعبط

والله إنها ذكية ماشاء الله وماتوقعت بأتعب معها كذا

الحين وش الحل ؟!!

أرجع ألبسها الحفاظة

المشكلة إذا لبستها تقول أنا نونو أنا نونو تتطنز على عمرها

عجزت أفهمها هالبنت

أحيانا أحسها عجازة ماتبي تقول لي

وأحيانا أرحمها أقول مافهمت

وعندي مشكلة ثانية إني لازم أعودها قبل الدراسة لأني بأدخلها رياض أطفال

والدراسة بشهر 10

وش أسوي ؟؟؟؟

469

يلزم عليك تسجيل الدخول أولًا لكتابة تعليق.

تسجيل دخول

غيابي حضور • 15 سنة

حالي من حالك بس الفرق اللي بيني وبينك أن ولدي عمره ثلاث سنين وست شهور ومن عمرسنتين وأنا أحاول بس لا حياة لمن تنادي الله يعين ويسهلها.

غنوة الحب • 15 سنة

ياعمري الله يعينك

حاولي تخلينها تشوف احد قريب منها تحبه يعني بنت خالتها او بنت عمها من عمرها كيف تروح للحمام وكيف تطلب يمكن تغار وتتعود..

وهالايام عشانه حر وصيف استغلي الفرصه وكل شوي دخليها تلعب بالمويه ورااح تحس بهالشي وهي بالحمام وراح تسويها بعدين شجعيها بقوه انها سوت بالحمام يمكن بعدها تتعود ان هالشي لازم يصير بالحمام ..

حاجه مهمه كانها على قولتك ذكيه وتفهم قوليلها خلاص ماراح نطلع من البيت لحد ماتعرفين الحمام وتروحين لحالك لاني مابي الناس يضحكون عليك وانتي لابسه بامبرز يمكن تنفع معها هالطريقه ..

والله يكون بعونك وعوني وعون جميع الامهات ...