ياحريم وش تطبخون لازواجكم كل يوم

السلام عليكم
مدري الموضوع في القسم المناسب لان هذا اكثر قسم ادخله واحبه :42:
انا عروس مالي 4 شهور
ومدري وش اسوي ع الفطور والغدا والعشا
يعني كل يوم الفطور نواشف
وكل يوم الغدا كبسه
والعشا مدري وشو
انا مره اسوي فطور ومره غدا ومره عشا
ماعمري سويت وجبتين او ثلاث وجبات في اليوم احس زوجي بيفقع وجهي:angry2:
بموته جوع
اذا جعنا سويت اندومي:22:
مع اني اعرف اطبخ بس معقوله كل يوم نفطر نواشف وكل يوم نتغدى كبسه وكل يوم افكر وش اسوي عشا
على طاري الكبسه وش تستخدمون رز لان الرز اللي عندي ابو كاس وطفشني مايشررب مويه ولا يستوي بسرعه كيف اسويبه اعلي النار ولا اوطيها :angry2: ان عليتها احترق وان وطيتها مانشف من المويه
قولولي برنامجكم في الاكل والاشياء الخفيفه اللي تسووها يعني اللي ماتحتاج شغل كثير للعشا مثلا
ووش الاشياء اللي ماتستغنين عنها في تلاجتك يعني مثلا زي البف بستري ولا السبرنق رول ولا الخضار الرقاق يعني اشياء اسويها وسهله
والوجبات الرئيسيه كمان ووش اخذ عشانها
والفطور اش اخذ عشان التجديد
ابغى اشياء خفيفه وسهله يعني حركات يحبوها الشباب
وافضل جبنه موزاريلا للبيتزا وتنصحوني بالقاعده حقت البيتزا الجاهزه:32:
يعني اشياء كذا
عشان ابي انزل السوبر ماركت واشتري ابي انظم نفسي
معليش كلامي ملخبط غشيمه بكتابة المواضيع:o
علمووووني تكفوووون