Dr.Ro0oRy :

كتير مننا يحزن ليش انا كدا.. ليش فلانة اللي اصغر مني اتزوجت وانا لسا..!.. ليش اختي زوجها يعاملها كويس ويحبها ويديها وانا زوجي يبهدلني وبخيل علي ولا يحبني..!! ليش امي شريرة معانا ..ليش ابويا مدمن مخدرات ولا سكير خمير..!!! ليش حياتي بائسة وحزينة وغيري سعيد ومبسوط..!!! ليش اهلي محجرين علي مايخلوني اروح ولا اجي زي صاحباتي..!!! ليش بنت خالتي تلبس وتروح وتجي وتتكشخ وانا لا..!!! ليش انا قصيرة مو طويلة..!! ليش مايجوني عرسان...!! ليش وليش وليش!!!! طيب انا اقلكم ليش..؟!؟! كل وحدة فيكم تفكر هذا التفكير..اعرفوا انو لسببين..قلة ايمانك بالله..وتاني سبب..شيطانك قوي.. ربنا يقول "انما النجوى من الشيطان ليحزن الذين ءامنوا وليس بضارهم شيئا الا باذن الله وعلى الله فليتوكل المؤمنون".. هذا شغل الشيطان يوسوسلك انه فلانة احسن منك او انه .....!!! وربنا يقول محا يضركم شيء الا باذنه والمؤمنون هما اللي يتوكلوا على الله..:ق1: احنا مشكلتنا مانؤمن انه هذا اللي مكتوب علينا من رب العالمين ومكتوب في اللوح المحفوظ من قبل مانشوف الدنيا..نحسب انه كل هذا تعاسة لنا.. لكن سبحان الله لو جيتوا فكرتوا فيها..ربي مايكتب لنا في الدنيا دي الا الخير لنا.. يعني مثلا اللي ماتزوجت لين دحين او اللي ماجابت طفل لين دحين..اعرف انو قل لن يصيبك الا ماكتب الله لك..يمكن سبحان الله لو اتزوجتي زوجك يشقيك..يمكن لو جبتي اطفال تعيشي تعيسة وتشقي في تربيتهم.. مو كلنا سواسيا..وبعدين اعرفوا حاجة 1 " الدنيا نار المؤمن وجنة الكافر"..وربنا يقول "ولقد خلقنا الانسان في كبد"...يعني احنا اساسا مخلوقين في دي الدنيا عشان هدف 1 هو عبادة ربنا وباقي الايام عايشينها في تعب لانو ربنا قال كدا في القرآن.. تعرفوا لو انتوا وكلتوا اموركم لله وماجلستوا تفكروا في المستقبل وفي الماضي وتفكروا كيف بس تعيشوا اليوم..صدقني ماراح تتعبوا ولا تتضايقوا ولاتحسوا بهموم.. عيشوا ليومكم لاتعيشوا لامسكم وغدكم... اوصيكم بالاستغفااااار والله اني جربته مجرد ما استغفر ربي يسرلي وربي يشيل عني الهموم والضيقة.. خلوا صلتكم بربكم قوية وحتشوفوا السعادة والتغيير في حياتكم.. بعيدن تعالوا هنا..مين اللي ادانا القلوب دي نعيش بيها..مين ادانا عيون نشوف ونقرا بيها..مين خلانا حيين ليومنا هذا وممكن عندنا ذنوب ولسا ماتبنا منها..مين رحم بحالنا وكان ارحم بينا من اهلنا.. مين ومين ومين ادانا الخير دا كله..الللله وحده.. هل بعد هذااا كله مايستحق الحب والتوكل عليه..!!!! اتوكلوا عليه واعرفوا انو الرزق بيده ..وتفاءلوا بحب الله ولاتتشاءموا من الدنيا..ترى الدنيا دار شقاء ونكد.. لكن لو جعلناها مليئة بحب الله مافي احلى منها... اتمنى كل وحدة تقرأ الكلام هذا تستفيد وتجدد نيتها لله وتستغفر كتير وربي يحسن حالها يارب.. دعواتكم حبيباتي .. دمتم بود.. لاحرمتكم..

كتير مننا يحزن ليش انا كدا.. ليش فلانة اللي اصغر مني اتزوجت وانا لسا..!.. ليش اختي زوجها...

لا ذي ولا ذيك :

الله يوفقك ياقلبوووو00والله كنت مضايقه:44:بس قريت كلامك وارتحت شوي الحمدالله يارب على كل شي 00اللهم لك الحمد حتى ترضى ولك الحمد بعد الرضى ولك الحمد اذا رضيت000

الله يوفقك ياقلبوووو00والله كنت مضايقه:44:بس قريت كلامك وارتحت شوي الحمدالله يارب على كل شي...