ياحلواتي الحوامل ..... استعداداتكم ؟؟؟

اي والله تعب

بالرغم من ان عندي شغالتين لكن ثنتينهم جايبتهم جديد و مايعرفون شي

انا اشتغل معهم و يالله يصير اللي ابيه

بالنسبه للتجهيز و الله انا كنت مغتربه مع زوجي للدراسه و تونا رجعنا من 3 شهور جهزت من هناك كل شي للبيبي
حتى مفرش المستشفي اشتريته

بس باقي سرير للبيبي

و باقي اشتري لوازم المستشفى و قمصان نوم لي للمستشفى طبعا

الله يساعدنا و يقومنا بلسلامه

ما سويت شي ابدا

ما عندي شغاله مع اني مقدمه عليها من قرن

وما جهزت شي للبيبي ولا لي
ولا شريت اوجهزت شي للعيد

ما عندي وقت انا اداوم فترتين وصوم وحمل من فين اجيب وقت

الواحد يطنش احسن

انا لسه ما جهزت شي لاني اصلا لسه لكن مو ناويه اشتري اي شي الحين لان صراحه السوق في رمضان غاااااااااااالي موت وانا ناويه انشاء الله اتنفس في بيتي يعني لازم اجهز غرفه لي وللبيبي غير اشياء النفاس والتقديم وغير ملابسي وملابسه يله الله يعين

حبيت اعطيكم فكره اذا بغيتو تشتلرو بربتوزات وفرهولات للبيبي ترى حقات ماركس اند سبنسر احسن من مذركير بكثير ما تتاثر واشكالها احلى والله يعنني وياكم انشاء الله

الله يسهل عليكم يارب

أختي الحبيبة ..

أنا في الشهر التاسع .. وعايشه على كذا في غربه يعني لا أم ولا أخت ولا خاله ..وبطبيعة الحال ولا عاملة منزل ..
فقمت بعمل جدول اسبوعي جدا مريح وجميل .. وهو كالتالي : كل يوم أقوم بتنظيف غرفه من الغرف تنظيفا تاما من تمسيح وتنفيض وتكنيس ( أي من كل الجوانب ) ولا ألتفت لهذه الغرفة التي قمت بتنظيفها مرة أخرى خلال الأسبوع .. اليوم التالي أقوم بتنظيف الغرفة التي تليها وهكذا .. بدون ما أجهد نفسي في وقت واحد بل أقسم تنظيف الغرفة الواحده خلال اليوم بكامله ...
لا أخفيك أنني في البدايه وجدت صعوبه في التعامل مع الجدول ..لكن مع الأسبوع الثاني الذي ستعيدين فيه دورة التنظيف ستجدين أنك مرتاحة في أمور كثيرة وسيخف الجهد والعمل عنك ..لأنك قد شيكتي على كل الغرف في الأسبوع الأول ..
وملاحظه أخرى .. وهي أن بعض الغرف كغرفة المعيشة والمطبخ تحتاج لتنظيف يومي وهو التنظيف الروتيني .. من كنيس أو تنظيف أطباق الطعام وغيرها مما هو مألوف فهذه الأعمال الأفضل أن تقومي بها أول بأول وكل شيء في وقته جميل ..

اتمنى أن تستفيدي من الرد .. وأي سؤال أنا حاضره ..

تحياتي