ياحلوين انتو ابداو بالاحتواء مع الجميع اولهم زوجك..

 نفسيات وكلمة نفسيه هي:العصبيه ..النكد ..الزعل.. السب ..الكلام الجارح الانتقاد ..عدم الحريه... ياحلوين اولا الام مدرسه لازم ولابد انتي كاامراه تحتوي زوجك زي مابتحتوي اهلك وصحباتك وجيرانك وعيالك حبي نفسك واعطي ثقه لنفسك وحبي الناس .قال عليه الصلاة والسلام ( حب لاخيك ماتحب لنفسك ) كثير بيعانو انا زوجي وزوجي بينفر مني بزات اللي خلفت حياتها تتغير كثير بسبب ميلت لطفلها وهدا غصبن عنها والزوج تلاقيه راح ينام في غرفه لوحده لانه لمن يبكي الطفل والام تحن عليه ياحبيبي ياقلبي خلاص هو مايحب يسمع دا الكلام يحس بغيره وتلاقيه فجأة يعصب ويقول انا طفشت ابغا انام انا مني قادر انام من صوته هدا معناه يحتاج لحنيه واحتواء اكثر ف انتبهوووو لاتهملو الزوج احتويه زي ماتحتوي طفلك واهلك اكثر المشاكل بسبب الزوجه تنتظر من زوجها يحتويها ويقولها كلام حلو الزوجه او المرأة نفسها سواء كانت صغيره او كبيره هي اللي تبدأ باحتواء زوجها وعيالها واهلها واحبابها لازم تعطي عشن تاخدي ابداي معاه بالكلام الحلو والمدح دايم اشكريه قدام عيالك وامدحيه ماشالله ابوكم يحبني ودايم يفتكرني ويجبلي الله لا يحرمنا منه ربي يسعده تلاقي الزوج يفرح واحيانا مايبين من  الخجل وبذات ف البدايه وبعدكده يتعود ويصير هو يشكرك ويحتويك واصحك تحتويه يوم ويومين وسنين وتنتظري مقابل ترا يؤدي الانفجار الكبير وتجنني نفسك سوي كل شي بدون مقابل لوجه الله فقط وصدقيني ماراح يضيع عندالله شي وتلاقي الناس اللي تحتويهم حبوكي ويجيبولك هدايا لاشعوريا مشكلة الطلاق هي مشكله نفسيه كل واحد ينتظر من الثاني كلام حلو لانه الكل اصلا يحتاج للكلام الحلو والكلمه الطيبه صدقه هدا زوجك او صحبتك او اهلك زيك يبغو مين يمدحهم ويقولهم كلام حلو ويبغو تقدير على الشي الحلو اللي بيسووه فلازم انتي تبداي بالمدح والكلام الطيب انزعو من قلوبكم الحقد والحسد للناس حبوهم وحببو عيالكم  لمن يجو يحكوكم عن اصحابهم وصحباتهم قولي ماشالله صحبتك طيبه تحبك لانها تهتم بامورك يابنتي الله يسعدها ويسعدك و يخليكم لبعضكم بنتك لاشعوريا تروح تمدحك لصحباتها في المدرسه ماشالله ماما تحبني ودايم تسوي لي اشياء زي حلى وتقول وزعي لصحباتك ويبداو صحبات بنتك يمدحوك لامهاتهم ماشالله ام فلانه عسل تحبها وتحبنا وتقول انه مامتها تسويلها كل يوم ف العصر حلى وتبدا ام صحبت بنتك تفكر فيك وتقول ماشالله ياين انها طيبه ونفسي اشوفها ..انتي في بيتك تخلي الناس كلهم يحبوك حتا زوجك نفس الشي يروح يحكي لاصحابه لاهله ماشالله مرتي نظيفه ومرتبه ماتخليني احتاج شي ..طبعا الكل يبغى زوجها يمدحها ..وموحلو يروح يقول عنك نكديه ومقرفه قرفت حياتي مع البزوره وشيبت راسي وابغااتزوج عليها ووديتها بيت اهلها ابغا الفكه منها ..ترى كل حركه تسويها يالزوجه العزيزه يتاثرو بيها اللي حوليك اللي هما زوجك طفلك وعيال عيالك وصحباتك واهلك لانك بالنسبة لهم مدرسه واساسا الحمدلله الحياه مدرسه ...انا حاضره لكم في اي وكل وقت معاكم.. دكتوره في علم النفس   ..احبكم جميعا وربي يسعدكم