يارب اجمعني فيه.فضفضه

سلام عليكم ورحمه الله وبركاته
صباح الخير
اعتبروها فضفضه ي بنات والله صدري تعب وعقلي تعب من التفكير .مرت سنه و٥اشهر ع وفاة زوجي الله ي رحمه.وصار عمري ٢٣سنه يالله كيف السنين تمشي بسرعه ي بنات اقسم بالله معي غصه أليمه والمصيبه ماعد اقدر ابكي مدري ليش.ليش الزمن تغير .هو الزمن تغير ولا الناس اللي تغيرت.ع ايام٢٠١٤ايام كنت لسى عروسه عمري١٦سنه تقريبا كنت بقمة السعاده يالله😍كنت اشوف الحياة ورديه كنت مع زوجي الطيب الحنون اتذكر ضحكته واتذكر يوم يتهبل عشام اضحك كان يناديني ي لولتي اتذكر لمن كان يركض وراي ويده مكسورة وطاح عليها وتعور زياده وانا ابكي افكر انا السبب ف طيحته ههههه كمان لمن اخوي كان يجي كنا نسوي فيه مقلب انا وزوجي ونجلس نضحك.بعد الزواج بشهرين رحنا تبوك عشنا احلى ايامنا هناك.كنت اصحيه الفجريه ع ريحة الاندومي الاخضر الحار ويخاصمني هههه كنا مثل الاطفال نركض بالبيت بالذات اني م حملت .كنا وحدنا فالبيت ووالله احلى عيشه عشناها كان يجيب لي طعميه فالصباح مع وردة ياسمين لاني احبها.وكنا نتابع الزير سالم لانه يحبه حتى لو اعاده .وكنت ادخل اشوف الحلقه قبله عشان بس احرق عليه.ماكنا نعرف السناب ولا الانستا بس الواتس اللي نعرفه.الله ي رمضان واجوائة ف تبوك بالذات اذا صلينا ف مسجد الوالدين ف الممشى الكبير اللي ف تبوك.الله ي تبوك فقدتك حيييييييل اتمنى ازورك لو بس ثواني.بس كل هالسعاده م دامت حمدلله ع كل حال .ع بداية سنه٢٠١٦رجعنا الجنوب وخلاني عند اهلي ورابط ع الحدود 😢😭💔وبعد المرابطه تعب نفسياً وكرهني ي بنات تعرفون كيف يعني كرهني مالمته ادري انه مريض واعرف ان ف قلبه بيبغى يحبني صبرت وانا اتألم اقول وينه زوجي القديم.رحت معه جازان وجلست ٢٠١٧-الين نص ٢٠١٨.مااقولكم كيف كانت عيشتي .برغم من كل الي حصل لي انا تعلقت فيه لانه حبيبي وزوجي مريض وتأزمت نفسيته من الحرب وتميت معه ع الضرب الشتم السب القذف والحبس والحرمان .بس بعد كل م يضربني او يسبني احس بنظرة الحزن ف عينه ي بنات ادري انه غصب عنه يسوي كذا معي المرض والوسوسه لها دور.صبرت ولاتكلمت .اذكر موقف كان تعبااانه والنفسيه واصله حدها وله اكثر من ٦ايام م ينام هلوس وتعبان جاء عندي ضربني ضرب مبرح ي بنااات تعرفون كيف يعني مبرح بدون ملابس وضرب ب سلك وبحذاء.وبعدها ضحكت ي بنات والله م بكيت قلت بعاند وماببكي وكنت اضحك ف وجهه ومن جوا ابكي الم .بعدين طلع وقمت ابكي واشهاق بس سمعت البيت يفتح ودخل جاء عندي قال عرفت اني بطلع وبتبكين جاء عندي جلس وحب راسي.مع انه ي بنات مررريض لأخر شييي يمكن تلوموني ع ضعفي بس والله ان تصرفي من حبي له ولاني ادري ان افعاله ف الحقيقه مو كذا .ف نص ٢٠١٨ماقدرت استحمل معه لانه هدد بالسلاح 💔ووصلت حالته لأخر مرحله .هربت من عنده وحمدلله قدرت ارجع لأهلي وهو من بعدي تعب وتنوم ثلاثه اشهر فالمستشفى وفي رمضان٢٠١٨طلع من المستشفى وارسل اخوه عند اهلي قال انه يبي يرجعني وانا بكييت والله كنت ابي ارجع بس تراجعت صبرت بما فيه الكفايه قلت يبا انا للحين م نسيت اللي صار لي واللي سواه فيني مو قليل.كلمه ابوي قال البنت مو راضيه.انتهى رمضان وجاء العيد وتعيدت عند اهلي بعد مايقارب ال٦سنوات من الحرمان الله ي اهلي اخيرا شفتكم تونست معاهم كنت مرتاحه اني اسمع طاري زوجي انه بخير وطلع المستشفى.طلع ان عنده شضايا ف راسه وعلى الارجح اثرت ف دماغه .عاشر١٠يوم بالعيد كنت الظهر اتفرج لين جاني خبر وفاة حبيبي صعوتي ههه كنت اناديه كذا هو صعوتي وانا لولته 💔 الله يرحمه لقيوه ميت جنب البحر وحيد ي بنات مدري هو وش كان يفكر فيه قبل م يتوفى هو تأسف هو ندم هو تحسف هو فكر اني احبه واموت فيه او لا هو يدري انه اعشقه هو يدري اني تمنيت اعطيه عمري وتمنيت اني رجعت له.مات كذا فجاه .الله يرحمه ويغفر له ويجمعني وياه ف الجنه ي رب ي رب.توفى وهو لسى حتى م دخل الثلاثين لسى صغير 😢💔💔💔الله يرحمه.تكفون دعواتكم محتاجتها .يارب يارب