يارب اغفر لنا اسرافنابالنعمه

صباحكم فل احس قلبي موووووجوووع على نعمه ربي ومأنبني ضميري واخاف من عقووبه ربي علينا ....نحمد الله جانا العيد واحنا بخير وسلامه وعافيه نحمد الله ونشكره لكن السفر على الغدا والسفر على العشى والحلوووويات والموالح والمشروبات والعصاىر والفواكه اللي تتقدم فيها من التبذير الشي الكثير والله لمن نلم السفره احزن من البقايا المكبوبه فيها خصوصا سفره الرجال من غير كميات الرز المبالغ فيها من المطابخ اليوووم اسال زوجي هم ليش يحطووون رز كذا كثير ....من يووم العيد لليوووم واحنا في جمعات ومن كثر ماناكل اللحم معد اشتهيناه الصحووون جلست مثل ماهي ما اناكل منه الا نتف واصلا نجلس على السفره واحنا مبشووومين على الاخر من الحلويات اشكال والوان والموالح انا ما الوووم احدلاني لو بلوووم الوووم نفسي صح بعد العزايم ما اخلي ببيتي شي كله اوزعه واعطي العمال بس ليش من الاساس نحط الكميات هاذي المبالغ فيها سرت اسأل نفسي ياترى بيجي اليوووم اللي ندوور على النعمه ومانلاقيها نسأل الله انه مايعاقبنا بتبذيرنا واسرافنا......لي صديقه سوريه توها جايه من سوريا لها حول السنه فعزمتها عندي وجالسه تقوولي اختي من سوريا تكلمني تقوولي نفسها بتفاحه وكانت تنتظر العيد احد يتصدق عليهم بفوواكه بس خلص العيد وماجاهم فواكه وللعلم الحرمه هاذي ابوووها كان عنده مزرعه فواكه تفاح ويوسف وبرتقال فتحكيني وتبكي واوجعت قلبي وخلتني اكتب ذا الكلام........ودامت افراحنا ونحن بصحه وعافيه وسلامه واللهم اني اعوذ بك من زوال نعمتك وتحول عافيتك وفجاءه نقمتك وجميع سخطك