قصة حقيقيه 00
فتاة حملت من شاب بالحرام وعند الولادة ماتت ( الله يرحمها يارب )
قصه واقعيه و الله يوم إني اقرأها مررره حزنت الله يستر علينا دنيا و آخرة و على بنات أمة محمد و يهديهم
القصة ترويها صاحبة الحدث :
استغفر الله العظيم الذي لا إله إلا هو الحي القيوم و أتوب إليه
اللهم يا مقلب القلوب ثبت قلبي على دينك
{ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً يُرْسِلِ السَّمَاءَ عَلَيْكُمْ مِدْرَاراً}
آنتبهوآ يآ بنآت ..
الله لا يوفق كل ولد ينوي شر ببنات الناس جعله يشوفها بأهله اللهم اميييييين
بكتب لكم قصة أختي
عشان تكون عبرة لكل بنت
عمري ما تخيلت إني أكون بهالموقف
و أكتب لكم معاناة
قصه كتبتبها من دمي و ألمي و سمعة أهلي !!!
احنا عائله ملتزمة جدا و لله الحمد
تعرض أخي الكبير قبل شهرين لحادث بسيارته
و لله الحمد كانت خاتمته حلوه لأنه كان صائم يوم الاثنين .. و من أسعفه قالوا لنا أنه كان يكبر طول الطريق لوصوله المستشفى فالحمدلله الحمدلله
طبعا أخي كان البكر و تعرفون غلاة البكر عند أمه و أبوه
أبوي لما عرف أنصدم و لكن احتسب
بس اللي يعرف أبوي يعرف إن الحزن يقطع قلبه
على ولده أمي لما عرفت ما تحملت الخبر
أغمي عليها
و تنومت بالمستشفى أسبوع كامل
أمي لم تكن تعاني من أي أمراض الحمدلله
بعد الحادثة صابها السكر و الضغط
قبل وفاة أخي كنت ألاحظ على أختي الكبرى
أنها مهمومة و منعزلة بغرفتها و دائما تبكي
سألتها أكثر من مره
و أمي سألتها كانت دائما تقول
أنها رسبت في مواد بالجامعة
أو أسباب ثانيه مو مقنعة
فأنا قلت بعدين هي رح تحكي لي و طنشت السالفة
بعد وفاة أخوي أمي صابها خوف علينا بشكل فضيع
إذا جلسنا دقائق بعيد عنها تنادينا
إذا وصلوني المدرسة أمي تكون بالسيارة تطمن لين أدخل المدرسة
أنا بصف ثالث ثانوي
أمي قلقت على وضع أختي لأن بعد وفاة اخوي وضعها زاااااااااد سووووء
صارت ما تقدر تمشي
و تستفرغ و دايخة و أغلب الوقت نائمة
أبوي رقاها أكثر من مرة
آخر شيء أنا كنت طالعة من غرفتي سمعت أبوي
يقول بكره بيأخذون أختي لو غصب عنها لمستشفى يكشفون عليها
لأن حالتها ما تطمن
أنا رحت لأختي قلت لها
أبوي بيأخذك غصب عنك للمستشفى
هي جلست تضرب في نفسها
و تبكي و تقول مصيــــــبه مصيــــــــــبه
أنا استغربت قلت لها ايش فيك ؟؟
قالت شيء تمنيت أكون مت و لا إني أسمعه
قالت أنــا حـــامــــــل
أنا ما استوعبت قلت شلون و كيف
أنتي بنت شلوووووون ؟؟
قالت أنها حملت من واحد كانت تعرفه من مدة
أختي بنت يعني بكارتها سليمة لكن حكمة ربي سبحان الله
و النذل لما عرف بحملها قالها زواج مستحيل أتزوجك
هذا غير أنه شكك إن اللي في بطنها منه
خصوصا أنه ما صار شيء ...........
قالها اهربي من البيت و أنا أحط لك شقة و نجلس أصدقاء
و حاول فيها لما شافها معندة و تبي يتزوجها
,,,, أختي المغفلة ما تعرف عنه شيء غير رقم جواله و اسمه و هو من منطقة غير عن منطقتنا ,,,,
غير رقم جواله و ألغى الرقم أختي صارت ما تعرف توصله
و طلع حتى اسمه كذب عليها فيه
حسبي الله و نعم الوكيل فيه
أنا كنت حاسة بمصيبة و كارثة لو أهلي عرفوا و الله لا تموت أمي من الصدمة
و يذبحها أبوووي
بهالفتره ما كنت عارفه اش أسووي !!
و أختي كانت مفكرة تشرد
و أنا كنت أخذه هم أمي و أبوي
ففكرت ادخل منتدى ...
دخلت و كتبت موضوع و البنااات ما قصروو جزاهم الله عننا كل خير
ساعدوني كثييييييييييير
خصوصا رشا الله يسعدها دنيا و آخره و الله كل ما أصلي أدعي لها
كنت متواصلة معها بالمسن
و كانت عندها خبره ف كانت تساعدني الله يجزاها الجنة
,,, أختي تدرس بالجامعة ,,
رحنا ف يوم أنا و أختي للجامعة بعدين أخذنا ليموزين و رحنا لعطار
أخذنا خلطة أعشاب
قلنا للعطار إن أختي حامل بكيس فاضي و نبي ننزله و عطانا خلطه
رجعنا للجامعة و رحنا للبيت
صلت أختي و استخارت أنها تشربها و شربتهاا
أختي صحت لكن متأخر
أختي تابت بس بعد ما خسرررت كثيييييييير
سبحان الله في كل شي له حكمه قد يكون ما حصل لها عظه لغيرها و عظه لي و رحمة ربي عشان أختي تتووب
أكيد غرقت بالمعاصي لين ربي بلاها بالمصيبة
أختي كانت ملتزمة لكن سبحان الله تغيرت فجاءة
يا مقلب القلوب ثبت قلوبنا على الإيمان """
شربت أختي الخلطة بعد صلاة العصر
و صابها نزيييييييف قوووي
من بعد صلاة المغرب
سريرها و الحمام و أرضيه الغرفة كلها دم
كنت أحاول أمسح و أغسل خفت أمي تدخل علينا
من كثر النزيف ما قدرت امسح ايش و إلا ايش
و كانت تتاؤه و تتألم و تعض بالمخدة
و الله الألم اللي شفته بعيونها و اللي حسيت الألم بقلبي ااااااااااااااااااااااه
ليت الألم بعروق قلبي و لا فيك كنت أبكي جنبها جبت لها بروفين
بس ما فااااد كانت تتألم حييييييييل
و كنت اقفل عليها غرفتها و أروح اجلس مع أمي و أتظاهر إن أختي تعبت من دوام الجامعة
كل شوي أطل عليها و دخلت عليها لقيتها مغمى عليها من الألم
و صحيتها و ترجع تتألم بعد العشاء كان صوتها ما يطلع غير من أنيييين بسييييط
و النزييييييييف ما وقف و الله صارت الغرفة باللون الأحمر
أغمى عليها أكثر من 3 مرات من الألم
بعد الفجر صارت أختي تطالع السقف
و تتمتم ما اعرف اش قالت من خوفي كنت أبكي
مو عارفه شسوووي و كلمت الأخت رشا
قالت لازم مستشفى خصوصا إن عندها فقر دم
كنت محتااااااااااارة فجاءه أختي شهقت
جلست تشهق بصووووووت عـــــــــــــــالي
حسيت روحي بتطلع من خوفي عليها
حسيتها مو قادرة تتنفس
رحت أجررري لخالتي كانت ساكنه قريب مننا
و قلت لها كل شي و جات معي و انصدمت من منظر الغرررفه
جلست تبكي تقول أنتم مجانين و شلنا أختي أنا و خالتي
و أخذناها على بيت خالتي خالتي كلمت دايه تعرفها
و أنا رحت أنظف الغرفة لما رجعت لقيييت
خالتي منهاره و الدايه تهديها سالت شفيها
قالت أختك تحتضر
ااااااااااااااااااااه ااااااااااااااااااه
يااااااربي أختي مالي غيرها بعد الله تموت و أي موووته
احنا كنا نحسب أنها حامل بشهرين
الدايه تقول أنها حامل ب3شهور و داخله الرابع
و خطر اننا نجهضها
قالت الدايه مو وقت بكاء الله يجزيها كل خير
أخذتنا لدكتور تعرفه
معليش ما اقدر ادخل في تفاصيل أكثر عشان ما احد يعرفنااا
و أختي توفت الله يرحمها و يوسع قبرهااا
و أنا ما دخلت الاختبار ما قدرت
و أمي ادعوا لها بالشفاااء و ادعوا لأبوي بالصبر
قسم بالله العظيم
كرهت كل الرجاااال
و الله يا بنات إن القصة حقيقية و أنا نقلتها شخصيا من المنتدى اللي نزلت فيه نفس صاحبة القصة ،،
يا ليت تنشرونها عشان البنات يستفيدوا و هذا ال ينفضح،،
و الله إني انقههههههرت لما قريت القصة و حزنت عليها كثيييييييير ،،
بس ما نقول إلا الله يرحم هالبنت و يقبل توبتها و يغفر لها و يوسع عليها في قبرها و يجعله روضه من رياض الجنة و يصبر أهلها ع فراقها هي واخوها ويرحمهم جميع ويجبر كسرهم ويربط على قلب امها وابوها...
انتبهوا يابنااااااااااااات من بعض الأولاد تراهم ذئاب بشرية على هيئة اودام
إذا قال يحبك و يبيك تطلعين معه قولى عندنا بيت تعال طق الباب و اطلبني من أهلي و حبنى عقبها على راحتك ان شاء الله تحطنى بصندوق عندك انتبهوا بنات و الله انتبهوا و رب النعمة لو يحبك و يبيك ما يأخذك إلا بالحلال و بس
منقوووووول للفآآئدة
أسعد الله من ساهم بنشرها
رجاوى @rgao
عضوة فعالة
هذا الموضوع مغلق.
عائشة 31
•
لا حول ولا قوة الا بالله
حسبي الله ونعم الوكيل ........
الله يرحمهم جميع ويغفر لهم ويعوض اهلها
حسبي الله ونعم الوكيل ........
الله يرحمهم جميع ويغفر لهم ويعوض اهلها
الصفحة الأخيرة
وربي تاثرت كثيير
متى البنات يتعضون بس
الله يستر علينا وعلى بنات المسلمين ياارب