يارب مالي احدٌ سواك

بسم الله االرحمن الرحيم

كيفكم بنات حوا ان شاء الله تمام

حبيت اليوم افضفض لكم عما في نفسي لاني تعبببببببببت تعبت اشيل همي بنفسي تعبت اداري تعبت اضحك في وجية الناس غصب عني تعبت اسمع كلام الناس الجااااااااارح والي مثل السكاكين في قلبي وانا اطنش ولا كأني سمعت شي تذبحني العبره وتخنق صوتي وانا سااااكته ..
انا متزوجة من عشر سنين وما من الله علي بالولد
رحت لدكاترة ومستشفيات وحريم واخذت اعشاب وادوية وغيرها بس ما الله كتب
تعبت من المستشفيات تعبت من السفر تخيلوا اقطع ميات الكيلو مترات في كل سفره لان اقرب مدينة لنا تبعد اربع مية كيلو يعني اربع مية رايحة واربع مية راجعة هذا غير الانتظار والزحمة وغير تعب زوجي النفسي والجسدي بسبب المشاوير على مدى كل هالسنين ..
وانا صابره ومحتسبة وكل شهر اقول قرب الفرج ويكبر الحلم ويكبر بداخلي لين ماتنزل اول قطرة دم مو من جسدي لا من روحي ويتبعثر الحلم
وهذا انا في كل شهر ..
تصدقون زمان كنت اجتماعية وام السواليف والهرج والضحك واحب الجمعات بس مع مرور ا لسنين صرت اكرها والان تبدل الكره الى خوف .!
صرت اخااااف ايه اخااف لاني ماصرت مثل اول احس شي بداخلي مكسور احس اني وحييييده وسط خواتي وحريم اخواني الي مالهم سيره غير عيالهم وحملهم وولادتهم وانا ما كأني موجوده اصلا ولا دروا عني وانا بس اناظرهم احس اني ضعيفة ومكسوره والي ذابحني ان اختي الي عمري ماقصرت معاها بشي والي كنت افضفض لها بحكم انها تاخرت اربع سنوات ماجابت احد وكانت تراجع جابت ولدها الاول والثاني في بطنها عمرها ماعلمتني كيف تعالجت ولا وين راحت تصدقون ناس اقابلهم لاول مره يحاولون يعطوني اسماء دكاترة ومستشفيات رغبة في المساعدة وانتي يالي محسوبة علي اخت بخلانه تعلميني وبحملها الثاني ماخلت احد ماقالتله الا انا اتصلت على كل الناس الا انا
خايفة احسدها .. زعلت عليها وبكيت من كل قلبي لكن ارجع واقول مهما كان اختي والي يعطي الله
ارجع لبيتي وانا كلي الم من نفسي ومن الناس ومن كل شي احيانا اضعف لاني بشر واندب حظي الي خلاني كذا
اخر موعد للدكتوره كان امس تصدقون ايش قالت ؟
قالت خلاص مالك علاج عندي شوفي مكان ثاني ورب البيت كانها عطتني كف على وجهي يمكن لانها كانت الامل الوحيد بعد الله
طلعت من عندها وانا اجر اذيال الخيبة والبؤس والانكسار طلعت في صالة الاستقبال اطالع الرايح والجاي واتأمل الناس والحريم وكل مامرت وحده من عندي الا طفلها في يدها شايلته ولا يمشي على الارض والي حامل وبطنها قدامها وانا اتأملهم مادريت بنفسي غير دموعي على خذي اغبطهم من النعمة الي هم فيها جلست ادعي وابكي بحرقة وكأني مابكيت قبلها ابدا بصوت خافت ودموع حاره وقلبي يرجف كان نفسي في احد يحظني في هذي اللحظات كنت محتاجة لاحد يخفف عني ويواسيني لكن هيهات ..
والحمد لله على كل حال
ادري طولتها والي فيكم كافيكم بس حبيت افضفض عن الي بداخلي يمكن ارتاح وهذا فيض من غيض
والله يرزقنا جميعا بمنه وعطفة واحسانه انه ولي ذلك والقادر عليه