يارب يارب

السلام عليكم
كيفكم اخواتي
اكثركم يعرف حالتي
المهم قررت ارفع دعوه نفقه ع ابو عيالي
هو عاطل ماعنده واظيفه وحالته بالهم .......ورحت للمحكمه
رفعت دعوه عليه وجا اول جلسه بمحكمه قبل كم يوم
قال للشيخ انه ماعنده وعنده دين مايقدر يصرف عليهم
طبعا انا هنا ساكته ماقلت ولا كلمه قالي الشيخ ابوهم ماعنده دخل كيف يصرف عليهم
قلت للشيخ انا حرمه من وين اجيب لهم من وين اجيب لهم
المهم مااستفدت ولا شي ولا شي .. ابي جههه معينه اروح لها يااخذو حق عيالي من ابوهم..ادري ابوهم فقران وحالته بالهم بس انا وش اسوي هو ملزم فيهم
ياابنات انا هنا وش اسوي علموني من مر عليها مثل حالي وين اروح احس ان المحكمه مانصرتني ابد وقسم بالله مانصرتني قسم بالله
طيب انا من وين اجيب لهم معقوله ابوهم خلاص ماله شغل فيهم
ابي تددلوني اروح وين ابي اخذ حق عيالي منه وربي كدا ظلم ظلم
لا تقولون لي ضمان او جميعات خيريه ابي ابوهم يشيل معي حررررام وربي حرررررررام
ابي ابوهم يشيل معي شوي طيب ماعنده دخل كيف عايش وكيف ياكل ويشرب وبصراحه هو جالس بغرفه بيت اخته
يعني كيف كل شي براسي انا اكلهم وشربهم ومصرفوهم طيب
الحين هم صغار لم يكبرون تكبر معهم طلباتهم
تخيلو اصغرهم كان مريض مررره مريض ودقيت ع ابوه قلت له تعال خذه للمستشفي راح وقفل جواله ٣ ايام
قسم بالله انا هنا كنت بنفجر من القهر طبعا اخذته للمستشفي والحمد الله حاله تمام الحين
تخيلو حتي بالعيد مافكر يجي ويااخذهم ويشوفوهم
نفسي اوصل حالتي الناس تقدر تساعدني وتاخذ حقهم من ابوهم


لاحد يسألني اذ لي احد يوقف معي من اللي اعرفهم كلن يقول نفسي نفسي بالعربي الرحمه نزعت من قلوبهم مااحد احد يسال عن احد انا مالي احد غير الله غير الله غير الله
والله اني جالسه ادور واظيفه ماحصلت حتي قلت لو اي واظيفه بااي راتب بس ربي ماكتب لي ماحصلت لحد الان


لاتجي وحده تسوي نفسها قويه وتسمعني كلام مثل الهم تري الدنيا تتدور ويجي عليها الزمن وتنحط بوضع اخس من وضعي
حسبي الله ونعم الوكيل ع كل ظالم وع كل شخص يظلم الناس الله ياخذ حقي من ابوهم حسبي الله ونعم الوكيل