ياعذابي @yaaathaby
عضوة نشيطة
ياكرهي للي يعض على رياله!!
أخواتي عصبت حيل حيل ومقهورة وحبيت أستشيركم
زوجي في الأنماط شمالي شرقي
فيه سلبيات كثير وقوية مخربه ميزات شخصيته
المهم اللي صار أنا على الله وعلى المصروف اللي يعطيني زوجي
وعندي عيال اشتري لهم من مصروفي
وأوقات اشتري شغلات للبيت من مزاجي يعني مو ملزومة
وزوجي ماشاءالله تبارك الله راتبه ممتاز وماعنده ديون لكن عنده اولويات يبي يفرش بيت يشتري سيارة فيركز بخططه ومايبي يضيع قروشه هنا وهناك
زوجي كريم معي مايقصر بس يعطيني مصاريفي بالقطارة
يعني لو يعطينيها مرة وحده أريح له ولي
اليوم لمن عطاني المصروف قلت لا مايكفي
وحددت المبلغ اللي أبي صح كبير بس أحتاج له
وهو يعطيني هالمبلغ وممكن يزيد بس زي ماقلت مو كاش
لا..شوي شوي يعطيني على مدار الشهر
الرجال سحب المبلغ وعطاني من هنا وصار وقح من هنا
هذا راتب موظف
وصارت نفسه في خشمه ويذب كلام
وماراح أعطيك ولا ريال غيره طول الشهر
أنا أنقهرت صراحة على وشو يمن علي
أنا أم عياله صعب يعطيني بالقطارة أوقات تخلص على طلعة سوق وحده!
على بس عشى وتمشيه وشوية أغراض
وهو بخير
وأنا صراحة كنت أقدر مزاجة بس الرجال مالهم آمان
تحترمينهم وتقدرين ظروفهم وتصبرين وإذا ركد وزانت دنياه ماراح يقول تفضلي هالمبلغ جزا صبرك
ألا يقول مو مرتاح بدور اللي تريحني ويطلع فيك الف عله وعله
وصارت كثير يهدد ويتوعد أحس صبري عليه ماله داعي
خاصة ميزته الوحيدة كرمه والاغير هذا مافيه ميزة غير عصبيته وزعله ومايعجبه العجب
المشكلة مو بخيل بس يستكثر علي مبلغ محترم في يدي!
هذي قصتي فماأدري أطنشه وأصبر على حلطمته أسبوع يسم بدني
والا أرمي فلوسي بوجهه واقول ماتسوى علي
شوروا علي..
31
3K
يلزم عليك تسجيل الدخول أولًا لكتابة تعليق.
الصفحة الأخيرة
سايريه واتحملي اول شهر واي مبلغ يعطيك اياه اجمعيه
وبكذا بيصير معك مبلغ كبير للشهر اللي بعده وبتمشي امورك
بس انتي تحملي اول شهر واجمعي فيه
وهو لايدري عن طريقتك
موفقه