يالله حسن الخاتمه♡

يالموت لك هيبه تِهِزّ السلاطيـن
ولك حزّةٍ ماتدري الناس عنهـا
ولك ضربةٍ تقطع حبال الشرايين
ولك طعنةٍ ماغيرك اللي طعنهـا
ولك سطوةٍ فالهند والسند والصين
والغرب وِبْشـام الديـار ويمنهـا
ولك صدمة تَفْجع قلوب المحبيـن
ولك خَطْفةٍ ماينفع الحرص منهـا
وهذا انت بس المشكله عنك لاهين
نَرْكض ورى دنياً رخيصٍ ثمنهـا
ويالله يـارب العبـاد المصلّيـن
اللي يديهـا بالصـدر تِحْتِضنْهـا
رحماك لامِنْ حافنا نازح البيـن
والروح مِنْ بين الحنايـا مِكَنْهـا
أنت الرجا والعبد مخلوق مسكين
والموت ساعة حـق لابـد منهـا

يالله حسن الخاتمه