يالله ياامهات نتبادل الخبرات في التسوق والاجهزة

الله يسهل امرك يارب ويهون علينا جميعا..
عن نفسي مرة مرة ماعرف اي شي بالتجهيزات..
ومو مستعجلة على العربية والكرسي والاجهزة الان..
ودي باشياء للنفاس وبعدها اشوف وش احتاج..
والبانيو فيه بسنتر بوينت الي يجي زي كرسي شفته حلو وقالت لي وحدة عنه عشان ماتدخل الموية باذان البيبي اريح لك وله..
وعن نفسي احس الترويشه بتكون بالغرفة مااتوقع بالحمام خصوصا ايام النفاس واول ماارجع بيتي واحس احسن قريب للارض<<ماتخاف ابد

والسرير الكبير حق الغرفة شفت بسنتر بوينت سرير عجبني سعره 1099 سهل استخدامه وخامته زي الخشب ولكن ملمسها كانها بلاستيك مدري كيف جايه بس احس سهل للتنظيف ويتغير ارتفاعه طبعا..
بس حسافة رحت مرة ثانية ماحصلته راح بس راح ادوره لانه مرة عاجبني لونه وشكله وسهولته..

سرير النفاس افكر اخذ الي زي السلة ولها قاعدة بعجلات بس سنتر بوينت ماحصلت شكل حلو ومابي اخذ عليه رسومات..
والزهري حلو بس اخاف احتاجه بولادة ثانية ان شاء الله ويكون ولد اتوهق ودي احصل سكري او بيج وبشوف بمحلات الاطفال لان استخدامه غالبا ايام النفاس بس وقليل يستخدم بعدها..
وفيه كرسي هزاز كبير شوي هذا امي تستخدمه من اخواني الصغار حلو كرسي وبعد لو جاء ينام البيبي ممكن تخلينه سرير
ممكن يكون هزاز او تثبتينه يعني يصلح للبيبي 24 ساعة..

الرضاعات افكر اخذ افانت ان شاء الله..
اغراض الحمام لسه ماقررت جونسون او يمدحون سيباميد وشيكو بشوف ان شاء الله

والله يهون على الجميع...

نصيحه لاتشترون الا الاشياء المهمه بالاربعين

لان اغلب الاشيا تجيك هدايا مثل الجلسات والعربيه وطاوله الاكل والمحبس حتى السرير الكبير الخشب خليه لما تولدين بالسلامه

انا جاني هديه من اختي

انا ماخليت مكان مارحت له بحكي اول شي عن الهدايا لاتعتمدي علي الهدايا اولا ماتضمني جودتها ولا شكلها يعني مو ذوقك
واذا جاك شي هديه وماعجبك بيتبيخل ابو شباب اشتري الاساسيات السرير والجلاسه والعربيه لازم انت تشترينهم لان الجلاسه بتروحي فيها عند الناس والعربيه للسوق لو شافك احد بالسوق ومعك عربيه خياس مصيبه
اما عن الجوده مذركير وسنتر بوينت هم الافضل برأي اسعارهم حلوه تاريم شفت اسرتهم خياس واسعارهم نار بس الناس تمدح فيها وبكرفها الرضاعات انصحك بالحبيب عندهم مالذ وطب من الرضاعات والغاليات وما الي اخره
الملابس في محل بالرياض غاليري جنب محل الفضه اسمه غريب هههههههههه نسيته بس شريت من عنده عنده كم قطعه حلوين
النفاس لاتبالغي بالشوكلاته والضيافه الناس تاكل وتنسي:mad: يعني تحطي 3000 شوكلاته وتندمي اشتري ذهب فيها ارحم انا شخصيا بحط قهوه وتمر وشاي بسسسسسسسسسس بطقاق خلهم يحكوووووا بحط قروشي بجيبي اما عن مفرش النفاس ماراح اشتري لان اهلنا مايجوا الا اخر 20 يوم والجلابيه بشتري من تويلا بحدود 800 لان الجلابيه تظل للنفاس واذا احد زارني بالشقه
شنط البيبي بشتريها من امازون لان عندهم موديلات خطيره
:27:
وملابس الحمل الله يعين افضلهم دبنهامز ولواء صارحه شين نيو لوك حلو بس خراقين
والسلام عليكم
وهذا الي عندي حاليا

اب للفائده:)

رفع